Nehimaia 6:17 - Edo Bible (E Baibol Ẹdo) Version 1996

¹⁷ Vbe ẹghẹ na hia, avbe ọkaolotu e Ju kevbe Tobaia wa gha gbẹnnẹ ebe gie egbe.

Nehimaia 6:17 ပူးပေါင်းရင်းမြစ်များ

Nehimaia 13:28

Ovbi e Eliasib ne Ogie Ohẹn ọre Joiada gha khin. Sokpan, ọkpa vbe ivbi e Joiada keghi rhie ovbi e Sanbọlat ne ovbi ẹvbo ne a tie ẹre Bẹt Horọn rọnmwẹ. I keghi rhunmwuda ọnii wẹ ne Joiada kpao vbe Jerusalẹm.

Nehimaia 13:4

Ẹghẹ ne ọ taẹn ọ re ohẹn Eliasib ne ọ gbe aro ghe aza Ọgua Osa, kevbe Tobaia gba ya gha ru ọse.

Nehimaia 3:5

Emwa ni rre Tẹkoa ọ re ọ bọ ako ne ọ diake ẹe sokpan, iran ni hiunsi vbe ẹvbo ni ma winna iwinna ne a ye ẹtin ru ne avbe ekaolotu mu ne iran.

Nehimaia 5:7

I keghi ta ku avbe ọkaolotu kevbe iran ni rre ukpo vbe uwu iran, I na tama iran wẹẹ, “Wa ghẹ zẹ etẹn uwa kpokpo.” I keghi tie iko ọgbakha ne iran do guan ye ẹmwẹ na,

Nehimaia 6:16

Avbe eghian mwa ni rre ẹvbo ni lẹga ghi họn vberriọ, ekhue keghi mu iran, rhunmwuda, dọmwadẹ ọghọe rẹnrẹn wẹ iyobọ Osanobua ọ re a ya winna iwinna na.

Nehimaia 6:18

Emwa ni bun vbe Juda keghi vbe deba ẹre rhunmwuda orruan rẹn ne ọ re Ju ighẹ Siekanaia ne ovbi Ara. Ye vbe sẹ ọnii, ovbi ẹre ighẹ Jehohanan keghi vbe rhie ovbi ẹre nokhuo rọnmwẹ ighẹ Mẹsiulam ne ovbi e Berakia.