Nehimaia 6:16 - Edo Bible (E Baibol Ẹdo) Version 1996

¹⁶ Avbe eghian mwa ni rre ẹvbo ni lẹga ghi họn vberriọ, ekhue keghi mu iran, rhunmwuda, dọmwadẹ ọghọe rẹnrẹn wẹ iyobọ Osanobua ọ re a ya winna iwinna na.

Nehimaia 6:16 ပူးပေါင်းရင်းမြစ်များ

Nehimaia 2:10

Sokpan, e Sanbọlat ne ovbi ẹvbo ne a tie ẹre Bẹt Horọn kevbe Tobaia ne ọ vbe rre asẹ vbe otọ Amọn ghi họn wẹ orhiọnkpa rre ne ọ do ru emwi ne ọ gha ma ivbi Izrẹl egbe, ohu dan kegha mu iran.

Nehimaia 4:1

E Sanbọlat ghi họn wẹ ma ne Ju suẹn gha dọlọ ekẹn nii bọ nẹ, ohu dan keghi mu ẹẹn, ọ na suẹn gha ya ima gbe ogiẹ.

Nehimaia 4:7

E Sanbọlat, e Tobaia kevbe ivbi Arebia, Amọn kevbe Asdọd keghi họn wẹ ma wa ya nene ekẹn ne a gbe khian; ekẹn e Jerusalẹm, kevbe wẹ, ẹkpo nii rre ekẹn ni, te a ghi do gha gbe ẹe vba egbe, ohu keghi mu iran ẹsẹse.

Nehimaia 6:17

Vbe ẹghẹ na hia, avbe ọkaolotu e Ju kevbe Tobaia wa gha gbẹnnẹ ebe gie egbe.

Psalm 109:27

Gie avbe eghian mwẹ rẹn wẹẹ, wẹ ọrọre ọmwa ne ọ miẹn mwẹ fan.

Psalm 126:2

U miẹn ogie ne ima giẹ u miẹn ihuan oghọghọ ne ima so. Ẹghẹ nii ọ re avbe uhunmwu ẹvbo nekpa na kha wẹẹ, “Nọyaẹnmwa ru emwi ne ọ kpọlọ ne iran.”

Psalm 129:5

Te obọ gha gba iran ni khuiwu e Zaiọn, ne a khulo iran werriegbe.

Psalm 147:2

E Nọyaẹnmwa ra dọlegbe rhie Jerusalẹm ye ukpo ẹre, ọ ra viọ iran ni rre iwe dọlegbe rre.

Ẹksọdọs 14:25

Ọ keghi munọ owẹ ikẹkẹ okuo iran mwẹ sẹrriọ wẹ okhian kegha ba so iran. Avbe ivbi Igipt keghi kha wẹẹ, “Wa gie ima lẹ ne ivbi Izrẹl rhunmwuda e Nọyaẹnmwa ọre ọ gu ima gbinna ne iran!”

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Nọmbas 23:23

Ẹbo awan ọkpa i rrọ, ra azẹn, ne a gha sẹtin ya ru ẹvbo ivbi Izrẹl emwi emwa gha ta vbe ekpa Izrẹl wẹẹ, ‘U ma miẹn emwi ne Osa ru ne iran.’

Iwinna 5:38

Vbe ọghe ne a ye na nian, I gha tama uwa wẹ ne uwa ghẹ ru iran na emwi rhọkpa. Wa sẹ iran rae rhunmwuda, deghẹ emwamwa kevbe iwinna iran na ighẹ ọtọn otọ rre ọghe ọmwa ne agbọn nọ, te ọ ra vbe wiẹghẹ ua.

Jọsua 2:11

Ọwarọkpa vbe ima họn ẹn, ohan kegha mu ima, egbe na wọ edọmwadẹ ọghọe. Osanobua uwa, e Nọyaẹnmwa ọrọre Osanobua vbe ẹrinmwi kevbe agbọn.

Jọsua 2:9

Ọ tama iran wẹẹ, “Mẹ rẹnrẹn wẹ e Nọyaẹnmwa mu otọe na ne uwa nẹ, ne I wa tama uwa nian wẹ ohan uwa wa mu emwa hia ni rre otọe na zẹzẹzẹ.

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.