Nehimaia 6:14 - Edo Bible (E Baibol Ẹdo) Version 1996

¹⁴ I keghi na erhunmwu wẹẹ, “Osanobua, ghe emwi ne Tobaia kevbe Sanbọlat ru, ne u rri iran oya. Vbe ye okhuo ni rre ighẹ Nodaia kevbe avbe akhasẹ nekpa, emwa ni te gha ho ne iran ha mwẹ.”

Nehimaia 6:14 ပူးပေါင်းရင်းမြစ်များ

Nehimaia 13:29

Osanobua, ye rre vbene emwa na ru ẹre awua hẹ ighẹ ukpo avbe ohẹn kevbe ile ne u gu avbe ohẹn kevbe Livai ta.

Nehimaia 5:19

Osanobua, lahọ, u ghi ye mwẹ rre vbe ne ọ maa, vbe ekpa emwi hia ne I ru ne avbe emwa na.

Psalm 137:7

Nọyaẹnmwa, ye emwi ne ivbi Idọm ru rre, vbe ẹdẹ ne iran khọn Jerusalẹm. Yerre vbe iran gha go hẹ wẹẹ, “Wa wa dunmwu ẹn sẹ otọ.”

Psalm 22:1

Osanobua mwẹ, Osanobua mwẹ, vbọzẹ ne u na he mwẹ ye otọ? I wa kakabọ tu ya nọ iyobọ, sevba, ọ ma rre.

Psalm 63:1

Osanobua, wẹ ọrọre Osanobua mwẹ ekhọe mwẹ vbe gualọ ọ. Egbe mwẹ hia wa gualọ ọ zẹvbe otọe ne ọ kae ne ọ fafaa kevbe zẹvbe otọ ne amẹ i ye ohanmwẹ amẹ ruẹn gbe ekhọe mwẹ.

Ẹksọdọs 15:20

E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Jerimaia 14:15

Mẹ ne Nọyaẹnmwa tama ruẹn emwi ne I ra ru iran re ighẹ avbe akhasẹ ne I ma gie ẹre uhunmwu, sokpan, iran ke ya gha ya eni mwẹ guan wẹ okuo kevbe ohanmwẹ i ra gbe otọe na. I gha gbele iran vbe okuo kevbe ohanmwẹ.

Jerimaia 14:18

I gha la uwu oha, I ghi gha miẹn ikun emwa ne a gbele vbe okuo, I gha la adesẹ ore, I ghi gha miẹn emwa ne ohanmwẹ ghi ra ghe ua. Avbe akhasẹ kevbe avbe ohẹn wa winna iwinna iran khian, sokpan, iran ma rẹn emwi ne iran ru.”

Jerimaia 28:1

Vbe uki ne ogisẹn ọghe ukpo ni ne ọ gbae vbe ukpo enẹ ne Hẹzekaia he ya vbe ọba, e Hananaia ne ovbi Azọọ, ne ọ vbe re akhasẹ vbe Gibiọn kevbe gunmwẹ guan vbe uwu Ọgua Osa. Vbe sirra avbe ohẹn kevbe emwa nii, ọ keghi tama mwẹ wẹ,

Jerimaia 28:10

Ẹre Hananaia na mu urọnghọn nii hinmwẹ urhu rre, ọ na bunnọ ẹre ukhiọnmwẹ ukhiọnmwẹ.

Jerimaia 28:15

Mẹ keghi talọ avbe ẹmwẹ na ma e Hananaia, I keghi vbe rhie te ẹe wẹẹ, “Danmwehọ e Hananaia! E Nọyaẹnmwa ma zẹdẹ gie uẹ, te u ru ẹe ne iran na gha ya ohoghe yi.

Matiu 24:11

Ẹghẹ ni ọre akhasẹ ohoghe ni bun gha na ladian, iran ghi vbe rẹrẹ ọkhọngborrie re.

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 7:15

“Wa gha ba avbe akhasẹ ohoghe. Iran gha mu akpa ohuan khuẹrhẹ yọ bu uwa rre, sokpan oduma dan iran wa khọ vbe uwu egbe.

II Timoti 3:8

Zẹ vbene Janis kevbe Jambres gha gbe odan ghe Mosis, erriọ emwa na gbe odan ghẹ ẹmwata, emwa na, ekhọe iran i ghi winna, iran keghi vbe gbe akuọkan vbe iyayi.

I Jọn 5:16

A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.