Nehimaia 6:11 - Edo Bible (E Baibol Ẹdo) Version 1996

¹¹ Mẹ keghi wanniẹn wẹẹ, “Mẹ i re okpia ne ọ lẹ fua ya gha lẹre. Wẹ yayi wẹ mẹ gha ya lẹre ye uwu Ọgua Osa ne I ghẹ miẹn ehe na wu? I i ruẹe.”

Nehimaia 6:11 ပူးပေါင်းရင်းမြစ်များ

Nehimaia 6:12

I ghi roro ẹe yo, roro ẹe rre, I keghi do miẹn wẹ, Osanobua ma zẹdẹ gu e Siemaia guan, sokpan wẹ e Tobaia kevbe Sanbọlat ọre ọ rhie igho abọtọ gie ẹe ne ọ gunmwẹ zẹ egbe iro vberriọ.

Nehimaia 6:3

Mẹ keghi gie ne a tama iran wẹẹ, “Iwinna kpataki rrọ mwẹ obọ nẹ I winna, rhunmwuda ọnii, mẹ i ra sẹtin yo odọ. Mẹ I ra wẹ ne a dobọ iwinna yi rhunmwuda ighẹ I ra gha dee do miẹn uwa.”

Nehimaia 6:9

Iran keghi te gha ho ne iran runran ima ne ima zẹ iwinna ni obọ. I keghi na erhunmwu wẹẹ, “Sokpan, banbanna nian, Osanobua, rhie iwegbe mẹ!”

Psalm 112:6

Ọmwa esi i gbe ihoi ẹdẹ, te a gha ye ẹre rre rhinrin ẹdẹ.

Psalm 112:8

Ẹ i hawa, ohan i muẹn; ọ rẹnrẹn ighe aro irẹn gha sẹ ọe, vbe obọ a rhanmwẹ avbe eghian rẹn.

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Asan-Ibo 10:1

Ikian ni wulo sẹtin ya ọgọ ori ne ọ winhin khian ne ọ ghi wia, erriọ vbe nọ emwi ukọnmwẹ kherhe sẹtin mu ogie ẹwaẹn nọkhua rhia.

Aizaia 10:18

Avbe ẹgbo ni wo nii kevbe avbe otọe ugbo hia gha khian ne a mu rhia zẹ vbene emianmwẹ dan mu ọmwa rhia.

Nọmbas 3:10

Sokpan, u ghi zẹ Errọn kevbe ivbi ẹre ne iran gha re ohẹn, ọmwa ọvbehe ne ọ rhirhi danmwẹ ọẹn ghe ne ọ winna iwinna iran, a ghi gbẹe rua.”

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Iwinna 21:13

Sokpan rẹn keghi wanniẹn wẹẹ, “Vbe uwa ru na yi, ne uwa na viẹ ya mu mwẹ orhiọn rueghe? Mẹ mu egbe nẹ, ẹ i re ọghe ne a mu mwẹ gba ọkpa, sokpan ne i wu vbe Jerusalẹm ye ẹmwẹ Nọyaẹnmwa Jesu.”

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

Filipai 2:30

Rhunmwuda te ọ rhie uhunmwu mwẹ atataobọ, ọ te ra wa wu ba ẹmwẹ iwinna Kristi, ne ọ miẹn ehe na rhie iyobọ mẹ, egbe ne uwa ma sẹtin rhie mẹ.

Hibru 11:27

Iyayi ọre Mosis ya kpao vbe Igipt rre vbene afainma ohu ọghe ọba ma na fian ẹn, ọ ma werriegbe, ọ keghi ye vbene a miẹn wẹ rẹn bẹghe Osanobua ne a i bẹghe.

I Samuẹl 19:5

Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”