Nehimaia 6:1 - Edo Bible (E Baibol Ẹdo) Version 1996

¹ E Sanbọlat, e Tobaia, e Gesiẹm kevbe avbe eghian mwa nekpa keghi họn wẹ ma gbe ekẹn ọlẹga nii fo nẹ, kevbe wẹ ẹkpo i ghi rrọ, a gha rhe miẹn wẹ, a ma he yi ẹkhu ye onurho ni rrọọ.

Nehimaia 6:1 ပူးပေါင်းရင်းမြစ်များ

Nehimaia 13:4

Ẹghẹ ne ọ taẹn ọ re ohẹn Eliasib ne ọ gbe aro ghe aza Ọgua Osa, kevbe Tobaia gba ya gha ru ọse.

Nehimaia 2:10

Sokpan, e Sanbọlat ne ovbi ẹvbo ne a tie ẹre Bẹt Horọn kevbe Tobaia ne ọ vbe rre asẹ vbe otọ Amọn ghi họn wẹ orhiọnkpa rre ne ọ do ru emwi ne ọ gha ma ivbi Izrẹl egbe, ohu dan kegha mu iran.

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 3:1

Vbene a ya dọlọ ekẹn ne ọ lẹga ẹvbo nii bọ hẹ ọ re ọna khin, Eliasib ne Ogie Ohẹn kevbe ohẹn ne ihua ẹre keghi dọlọ Onurho Ohuan bọ, iran keghi ya ẹe fi ohan iran vbe yi ẹkhu yọ. Iran na ya ekẹn ọnrẹn fi ohan ya sẹ Owa ọkhẹ iran ne iyisẹn kevbe Owa ọkhẹ ọghe Hananẹl.

Nehimaia 3:3

Ẹwae Hasenaa keghi bọ Onurho Ehẹn, Iran keghi mu egbaha kevbe ẹkhu ye ihẹ iran, iran keghi vbe mu asigbe kevbe ogba yọ ne a ya gha khui ẹre.

Nehimaia 3:6

E Jehoiada ne ovbi e Pesea kevbe Mẹsiulam ne ovbi e Besodia keghi dọlọ Onurho Jesiana yi. Iran keghi mu egbaha yọ kevbe ẹkhu ye ihẹ ẹre, iran keghi mu asigbe kevbe egba ne a ya khui onurho nii yọ.

Nehimaia 4:1

E Sanbọlat ghi họn wẹ ma ne Ju suẹn gha dọlọ ekẹn nii bọ nẹ, ohu dan keghi mu ẹẹn, ọ na suẹn gha ya ima gbe ogiẹ.

Nehimaia 7:1

Vbe ẹghẹ ne a ghi kha na nian, a gbe ekẹn ọlẹga nii fo nẹ, a vbe yi ẹkhu lele ehia nẹ, a vbe ghae iwinna iran ne iran nẹ ighẹ iran ni khẹ Ọgua Osa, avbe ọsian nihuanrẹn, kevbe avbe Livai nekpa.

Daniẹl 9:25

Yi ọna ẹro ne u vbe rẹn emwi ne a ya ẹe kha. Ke ẹghẹ ne a ya tae wẹ ne abọ e Jerusalẹm kpao do sẹ ẹghẹ ne ọkaolotu ne Osanobua zẹe gha ya rre, ukpo ekigbesiyenẹ vbe ihe ihinrọẹn gha gberra. A gha dọlegbe bọ e Jerusalẹm ke ẹe kevbe idunmwu ni rrọọ kevbe avbe ọkhẹ ne ọ wegbe ọ gha vbe gha rrọọ vbe ukpo eva yan iyeha vbe ihe ihinrọn, sokpan ẹghẹ ọlọghọmwa ọ re ọ khian gha khin.