Nehimaia 5:9 - Edo Bible (E Baibol Ẹdo) Version 1996

⁹ Ẹre imẹ ghi na kha wẹẹ, “Emwi ne uwa ru na i maa. Ọ te kei ne uwa yọghọ ne Osanobua, ne uwa ru emwi ne ọ kere. Ẹghẹ nii, wa ghẹ i rhie otọ ne avbe eghian mwa, iran ne ẹ i re Ju, ne iran ya gha zan mwa.

Nehimaia 5:9 ပူးပေါင်းရင်းမြစ်များ

Gẹnẹsis 20:11

Ebraham keghi wanniẹn wẹẹ, “Te I te gha ro wẹ ọmwa nọ mu ohan Osanobua i rre edinran kevbe wẹ, iran gha gbe mwẹ uan ne iran miẹn ehe na rhie ọvbokhan mwẹ.

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

II Samuẹl 12:14

Sokpan rhunmwuda otilua ne u mwẹ ghe Nọyaẹnmwa, ọmọ na gha wu.”

Nehimaia 4:4

Mẹ keghi na erhunmwu wẹẹ, “Họn vbene iran ya ima gbe ogie hẹ, Osanobua. Gie ogie ne iran gie ima ẹre vbiẹ iran tobọ iran egbe. Gie oyi hẹ emwi ne iran mwẹ hia, ne a vbe viọ iran oghunmwu gha rrie ẹvbo ẹrrẹ.

Nehimaia 5:10

Mẹ gie avbe emwa ne a mọmọ igho kevbe ọka vbe obọ mwẹ, rhunmwuda ọnii, te I ghi mwẹ ivbi otu kevbe emwa ni winna mẹ. Banbanna nian, wa gie a ya ehia ma iran, ne iran ghẹ ghi ha osa.

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Psalm 90:11

De ọmwa ne ọ he ya egbe miẹn ohu ruẹ vbe uwu ẹtin ẹnrẹn hia? De ọmwa ne ọ rẹn ohan ne ohu ruẹ nọkhua sẹtin si rre?

Itan 16:29

Emwa ni khọ gha rẹrẹ ọse iran nẹ, iran ghi silo iran obọ la ọfuan.

Itan 17:26

Ọ ma kei ne a gha rri ọmwa ne ọ ma rri abe uhi, a gha rri ẹmwata oya, te a khiẹn ohiẹn bu.

Itan 18:5

Emwi ne ọ ma gba nọ ne a ya ma ọmwa ne ọ rriabe vbe ne a ma na rhie ase ne ne ọ rria ase.

Itan 19:2

Isasegbe ne irẹnmwi i ye ma kei, te ibalegbe si ẹmwẹ ye ọmwa egbe.

Itan 24:23

Avbe emwa ẹwaẹn ọ re ọ vbe guan avbe ẹmwẹ na. Emwi ne ọ ma gba nọ ne ọmwa ne ọbuohiẹn ka gha mwẹ ẹmwẹ nii vbe ekhọe nẹ.

Ezikiẹl 36:20

Ehe ne iran a rhirhi yo, iran kegha fa eni mwẹ nọhuanrẹn uan, rhunmwuda, emwa ghi gha kha wẹẹ, ‘Iran si kpao vbe otọe ne Osanobua iran mu ne iran.’

Levitikọs 25:36

Ghẹ fian igho isu nẹ, sokpan gha mu ohan Osanobua ne u vbe gie ovbi Izrẹl ne ihua gha yin diake uẹ.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Ebe ne Pọl gbẹẹn gie emwa Rom 2:24

Rhunmwuda Ebe tae wẹ, “Rhunmwuda avbe uwa ne Ju, eni Osanobua keghi khian ne avbe iran ne ẹ i re Ju ghi ye ukpẹ sakan.”

I Timoti 5:14

Rhunmwuda ọnii, emwi ne I ho ọrọre wẹ ne avbe ẹgbẹ ni re ibiẹka gha rọnmwẹ ọdọ, ne iran biẹlẹ, ne iran gbe aro ghe owa iran, ne a ghẹ rhie otọ ne iran ne eghian mwa ya gha zan mwa.

Taitọs 2:5

Ne iran ghẹ gha balọ egbe, ne iran gha re ne ẹ i mwẹ awua, kevbe amwẹ ne iye ọwa esi ni họn ẹmwẹ ne ọdafẹn iran, ne ọmwaikọmwa ghẹ ya ukpẹ sakan, ẹmwẹ Osanobua.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

I Samuẹl 2:24

Wa gie ẹe sẹ evba, ivbi mwẹ. Emwi ne emwa e Nọyaẹnmwa ta vbe ekpa uwa mu ohan gbe.