Nehimaia 5:7 - Edo Bible (E Baibol Ẹdo) Version 1996

⁷ I keghi ta ku avbe ọkaolotu kevbe iran ni rre ukpo vbe uwu iran, I na tama iran wẹẹ, “Wa ghẹ zẹ etẹn uwa kpokpo.” I keghi tie iko ọgbakha ne iran do guan ye ẹmwẹ na,

Nehimaia 5:7 ပူးပေါင်းရင်းမြစ်များ

Psalm 109:11

Te iran ne ọ rri ọre osa gha viọ emwi ẹnrẹn hia, te ẹrrẹe gha viọ ekhuan ne ọ khuan ẹn hia.

Psalm 15:1

Nọyaẹnmwa, de ọmwa ne ọ gha la uwu Ọgua Osa ruẹ? De ọmwa ne ọ gha ga, vbe Zaiọn ne oke ne ọ huanrẹn ruẹn?

Psalm 15:5

Ọ rhie ne emwa mọmọ vbene ẹi na vbe nọ igho isu. Ai vbe sẹtin ya igho dẹ ọe, ne ọ se osẹ gbe nọ ma rukhọ. Ọmwa ne ọ ru emwi na hia, te ẹkun gha sẹ ọre otọ vbe ẹdẹ hia.

Psalm 27:8

Ẹkpo ne uwẹ na kha wẹẹ, “Wa larre do gha ga mwẹ.” Mẹ keghi wanniẹn wẹẹ, “Nọyaẹnmwa, I gha rre.”

Psalm 4:4

Wa gha guọ ne ohan, ne uwa dobọ orukhọ ne a ru yi. Wa kakabọ mu ọna ro, vbe uwa hẹko lovbiẹ ye ukpo uwa.

Psalm 94:16

De ọmwa ne ọ gu emwa dan gbinna mẹ yi? Gha ọ mu ẹzọ mwẹ gu emwa ọkhọ gui?

Ẹksọdọs 22:24

Ohu gha wa kakabọ mu mwẹ, I ghi gbele uwa a vbe okuo. avbe amwẹ uwa ghi khian ẹgbẹe, ivbi uwa ghi khian emọ ne ẹ imwẹ erha.

Ẹksọdọs 22:25

“A deghẹ wa rhie igho ne emwa mwẹ mọmọ, ne iran ne ivbiogue vbe uwu uwa, wa ghẹ ru zẹ vbe ọmwa ne ọ rhie igho isu ne ọmwa, wa ghẹ wẹ ne ọ su ẹe rre.

Itan 27:5

A gu ọmwa gui vbe azagba ọ re ọ maa sẹ ne a kọe ye ẹre ekhọe wẹ ẹ i re igbinna ọghe irẹn ọ re ọmwa ni ye hiehiere.

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Ezikiẹl 45:9

E Nọyaẹnmwa ne Udazi khare wẹẹ, “Ọ kpẹre ne uwa kegha ru orukhọ, wa ne nikhaemwisẹ vbe Izrẹl! Wa dobọ ọkhọ kevbe a zẹ emwa kpokpo uwa yi. Wa ru emwi ne ọ gbae kevbe ne ọ hẹnhẹn. Wa ghẹghi dọlegbe khulo emwa mwẹ hin otọ iran rre. Mẹ ne Nọyaẹnmwa ne Osanobua, ọ re ọ taa ẹmwẹ na ma uwa.

Levitikọs 19:15

Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Levitikọs 25:36

Ghẹ fian igho isu nẹ, sokpan gha mu ohan Osanobua ne u vbe gie ovbi Izrẹl ne ihua gha yin diake uẹ.

Matiu 18:17

Sokpan deghẹ ọ ma vbe zẹ ye iran ẹre, ya gui ẹzọ ruẹ hia ma esọsi. Deghẹ ọ ma vbe zẹ ye esọsi re, u ghi wa kae ba ọrriọvbe ra iran ni koko igho uhunmwu.

II Kọrinti 5:16

Rhunmwuda ọnii, ẹ i re obọ ne agbọn mu la, ma ghi ya bu ohiẹn ọmwa rhọkpa. A deghẹ te a kue miẹn wẹ, ẹghẹ ọkpa rrọọ ne ima na gha ye aro vbe ne agbọn roro ghe Jesu, ma i ghi ru vberriọ nian.

Galatia 2:11

Ugbẹn vbe Pita sẹ Antiọk, uwu ẹbu ọre I na gha gu ẹe gui, rhunmwuda emwi ne ọ ru ma kei hiehiere.

I Timoti 5:20

Gu ọmwa ne ọ ru khọ gui vbe sirra emwa hia ne emwa nekpa miẹn ehe na gha mwẹ imuohan.

Taitọs 2:15

Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.