Nehimaia 5:2 - Edo Bible (E Baibol Ẹdo) Version 1996

² Eso kegha kha wẹẹ, “Ma mwẹ emwa nibun vbe ẹgbẹe ima, te ima gha gualọ evbare ne ima miẹn ehe na sẹtin gha rre agbọn.”

Nehimaia 5:2 ပူးပေါင်းရင်းမြစ်များ

Gẹnẹsis 41:57

Emwa kegha ke otọ agbọn hia rrie Igipt ne iran do gha gu e Josẹf dẹ ọka, rhunmwuda obọ ukhunmwu nii keghi wa vbe dotọ vbe otọ agbọn hia.

Gẹnẹsis 42:2

Ihọẹn ighẹ ọka rre Igipt; wa gha khian ne uwa ya dẹ rre vbọ ne ohanmwẹ ghẹ gbele ima an.”

Gẹnẹsis 43:8

E Juda keghi khama erha iran wẹẹ, “Giẹ ọvbokhan na lele ima gha khian, ne ima muegbe ne a gha khian. Ẹghẹ nii, ne ohanmwẹ gha gbua i ghi rre uwu ima.

Gẹnẹsis 47:19

Ghẹ gie ima wulo, Guan yọ. Ghẹ gie otọe ima de ihoi rua. Ye evbare dẹlẹ ima kevbe otọe mwa. Ma ghi gha re eviẹn ne ọba, rẹn ghi vbe yan otọe ima. Viọ ọka ne ima ne ima ghẹ wulo, ima sẹtin gha ya otọe ima gbe ugbo.”

II Ọba 4:1

Okhuo ne ọ dẹgbẹ ne ọ te re amwẹ ọkpa vbe uwu avbe otu ivbi akhasẹ keghi bu Elaisia gha khian, ọ wẹẹ, “Enọwanrẹn, ọdafẹn mwẹ wu nẹ! Wẹ rẹnrẹn wẹ ọmwa ne ọ mu ohan Osanobua rẹn gha hin, sokpan, banbanna nian, ọmwa ne irẹn rri ọre osa do viọ ivbi mwẹ ne ikpia eva ya ru ọviẹn ne ọ ya ha osa ne ọdafẹn mwẹ rri ọre re.”

Nehimaia 5:3

Emwa ọvbehe eso kevbe kha wẹẹ, “Te ima gha mu otọ ima ye agbeghae, deba ogba azara ima, kevbe owa ima ne ohanmwẹ ghẹ miẹn ehe na gbe ima.”

Hagai 1:6

Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.

Malakai 2:2

Te ọ kere ne uwa gha ya uyinmwẹ uwa rhie ọghọ mẹ. Deghẹ wa wẹ wa i rhie ehọ ye ẹmwẹ ne I ta, te I ra fi uwa unu. I gha fi avbe emwi ne uwa miẹn ya gha da egbe yi unu vbe ẹmwata, I fi ehia unu nẹ, rhunmwuda I tie ẹmwẹ ne I tama uwa ẹmwẹ kpataki.

Diuteronomi 23:19

“U gha rhie igho ra evbare nọ ra emwi ọvbehe ne ọ rhirhi gha khin ne ovbi Izrẹl ne ihua mọmọ, ghẹ fian igho isu yọ.