Nehimaia 5:17 - Edo Bible (E Baibol Ẹdo) Version 1996

¹⁷ Emwa ne imẹ gha koko, ra ne I gha rhie evbare na vbe eteburu mwẹ kegha re igbe yan ikiọkhọe (150) vbe ivbi e Ju kevbe avbe ọkaolotu iran, vbene a ma na ka avbe emwa ni ke ẹvbo ni lẹga ima bu mwẹ gha dee yọ.

Nehimaia 5:17 ပူးပေါင်းရင်းမြစ်များ

II Samuẹl 9:13

E Mẹfibosiẹt ne owẹ ọre eveva luẹluẹe, kegha rre Jerusalẹm, ọ na vbe gha rrie evbare ẹre hia vbe eteburu ọba.

II Samuẹl 9:7

E Devid keghi wanniẹn wẹẹ, “Ghẹ gie ohan mu ẹẹn, I gha tohan ruẹn rhunmwuda e Jonatan ne erha a. I gha mu otọ e Sọl ne erha odede hia nuẹn, u ghi vbe do gha rrie evbare vbe eteburu mwẹ vbe ẹghẹ hia.”

I Ọba 18:19

Banbanna nian, tama ivbi Izrẹl hia ne iran bu mwẹ gha die oke Kamẹl. Wa ghi viọ avbe akhasẹ e Bal ne ọre ekigbe siyeha ọ yan uri eva (450) gha dee, kevbe akhasẹ Asiẹrra ne ọre uri eva (400) ne Jezibẹl ne Amwẹ Ọba koko.”

I Ọba 5:3

“U rẹnrẹn wẹ e Devid ne erha mwẹ ma sẹtin bọ Ọgua Osa ne a na ga e Nọyaẹnmwa Osanobua ẹre, rhunmwuda kugbakẹghẹre ne ọ ya gha gu avbe eghian ni rre ẹvbo ni lẹga ẹre khọn. Ẹ i sẹtin bọ Ọgua Osa vbe ẹ i re te Nọyaẹnmwa rhie ẹre obọ yan avbe eghian rẹn hia uhunmwu nẹ.

Nehimaia 5:16

I na mu aro da ekẹn nii ne a gbe, I ma vbe si ẹfe gha koko. Emwa hia ni winna mẹ keghi vbe deba iwinna ekẹn nii ne a gbe.

Aizaia 32:8

Sokpan ọmwa ne ọ re adazẹ, emwi uyi ọ re ọ ru, ọ ghi vbe rhie egbe ye emwi ne ọ re ẹmwata.

Ebe ne Pọl gbẹẹn gie emwa Rom 12:13

Wa gha ghae ne etẹn uwa ne ẹ i mwẹ emwi vbe uwu emwi ne uwa mwẹ, wa gha sẹ oyaya mu erhunmwuyẹn.