Nehimaia 5:15 - Edo Bible (E Baibol Ẹdo) Version 1996

¹⁵ Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Nehimaia 5:15 ပူးပေါင်းရင်းမြစ်များ

Gẹnẹsis 20:11

Ebraham keghi wanniẹn wẹẹ, “Te I te gha ro wẹ ọmwa nọ mu ohan Osanobua i rre edinran kevbe wẹ, iran gha gbe mwẹ uan ne iran miẹn ehe na rhie ọvbokhan mwẹ.

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

Nehimaia 5:16

I na mu aro da ekẹn nii ne a gbe, I ma vbe si ẹfe gha koko. Emwa hia ni winna mẹ keghi vbe deba iwinna ekẹn nii ne a gbe.

Nehimaia 5:9

Ẹre imẹ ghi na kha wẹẹ, “Emwi ne uwa ru na i maa. Ọ te kei ne uwa yọghọ ne Osanobua, ne uwa ru emwi ne ọ kere. Ẹghẹ nii, wa ghẹ i rhie otọ ne avbe eghian mwa, iran ne ẹ i re Ju, ne iran ya gha zan mwa.

Job 31:23

Rhunmwuda ighẹ ohan irria ikhi Osanobua mu mwẹ, ohan i gunmwẹ danmwẹ emwi vberriọ ghe.

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Psalm 147:11

Sokpan iran ni ya ọghọ ne ẹẹn ọ re ọ ye ẹko rhiẹnrhiẹn ọẹn iran ni mu ẹtin van aho ẹmwẹ ọmwa rẹn ne ẹ i beghe.

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

Itan 29:12

Ọmwa ne ọ khaemwisẹ gha danmwehọ ẹmwẹ ohoghe ne a ta ma rẹn, ewọe ẹre hia ghi do khian ọhọn ohoghe.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Jerimaia 32:9

I keghi gele dẹ nene ako oha vbe obọ e Hanamẹl, I na mwa igho ẹre mu ne ẹẹn, ive ẹre kegha re igho esiliva ehairrọvbugie.

Eve Orriara 5:8

Avbe emwa ni ma maa sẹ eviẹn ọ re ọ khaemwisẹ yan mwa. Ọmwa ne ọ gha sẹtin fan mwa vbe obọ iran i rrọọ.

Matiu 5:47

Deghẹ wẹ vbe ose ruẹ ọkpa ọre ọ gba guan ye egbe ẹmwẹ, de okpe emwi ne u ghi ru vba? Iran nigẹbọ vbe ru vberriọ.

II Kọrinti 11:9

Ẹghẹ ne I na gha rre ehe ne uwa ye, a deghẹ igho i gue mwẹ, I ma vbe ya ye uwa egbe, rhunmwuda, etẹn ni ke Masidonia rre viọ emwi ne I i te mwẹ hia gun mwẹ. Zẹ vbe ne I ka ru ẹe, vbe ẹghẹ ne ọ gberra, erriọ I ra ye gha ru ẹe vbe ẹghẹ ne a ọ dee. I i ra kun enegbe mwẹ yan uwa.

II Kọrinti 12:13

De uyinmwẹ ne ọ ma kei ne a ma yin ghe esọsi nekpa ne a yin ghe uwa yi, gberra wẹ ne I ma na ye ẹmwẹ iyobọ ne a ru ye uwa egbe? Wa lahọ, wa yabọ mwẹ ighẹ I ma ru ẹ ẹse.

I Samuẹl 8:15

Ọ gha viọ a ghae ye ihigbe emwiokọ uwa, ọ gha viọ ne iran ni guẹe ziro vbe ẹguae kevbe emwa ni rre asẹ ọvbehe vbe ototọ ẹre.