Nehimaia 5:13 - Edo Bible (E Baibol Ẹdo) Version 1996

¹³ I keghi ban ọza ne I mu gba ẹkun I na bọnmwẹ ọẹn, I na kha wẹẹ, “Vbe nian ọ re Osanobua ra bọnmwẹ uwa ne ẹ i mu eyan ne uwa yanrẹn sẹ. Osanobua gha miẹn uwa owa kevbe emwi ne uwa mwẹ hia, ẹ i vbe sẹ emwiọkpa rae ne uwa.” Emwa hia ni rre evba keghi kha wẹẹ, “Isẹ.” Iran keghi rho e Nọyaẹnmwa. Avbe ọkaolotu keghi vbe ru vbene iran yan rẹn.

Nehimaia 5:13 ပူးပေါင်းရင်းမြစ်များ

II Ọba 23:3

Rẹn keghi mudia ye ọkpẹn orrẹ ọba, ọ na gu e Nọyaẹnmwa ta ile wẹ rẹn gha họn ẹmwẹ ne ẹẹn, kevbe ne ọ ya orhiọn kevbe ekhọe ẹre hia gha rhie uhi kevbe iyi ẹre mwẹ, kevbe ne ọ vbe gha ru zẹ vbe ne a mwamwa emwi ye otọ vbe uwu ile ne a gbẹnnẹ ye ebe ni. Emwa nii hia keghi yan wẹ iran gha rhie ile ni ya gha yin.

I Krọnikol 16:36

Rho e Nọyaẹnmwa ne Osanobua Izrẹl wa rho ẹre nia kevbe rhinrin ẹdẹ! Ẹre emwa ni hia na kha wẹẹ, “Ise,” iran na rho e Nọyaẹnmwa.

Nehimaia 8:6

Ẹzra keghi kha wẹẹ, “Wa rho e Nọyaẹnmwa, ne Osanobua nọkhua!” Emwa ni hia keghi viọ obọ da odukhunmwu, iran keghi kha wẹẹ, “Isẹ!” Iran na diguẹ gae, vbe ne iran na viọ aro rhu otọ.

Psalm 119:106

I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Psalm 76:11

Ha emwi ne u ve, ne Nọyaẹnmwa Osanobua ruẹ; wa ye imuohan gie ẹe wa ne agbọn ẹvbo ni sikẹ edinran.

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Asan-Ibo 5:5

A ma zẹdẹ ve emwi ọ re ọ maa sẹẹ a ghi ve nẹ, a ma ghi ru ẹe.

Nọmbas 5:22

Te amẹ na gha la ruẹ ẹko, ne ọ ya ẹe hue ladian ne ọ vbe gie ẹgẹn ruẹn kpero.” Okhuo ni ghi wanniẹn wẹẹ, “I khuẹn niẹn yọ, te Nọyaẹnmwa gha ru ẹe vberriọ.”

Matiu 10:14

Deghẹ a miẹn ẹvbo ne ọ ma rhan obọ miẹn uwa ra iran ma rhie ehọ ne uwa ta yi, wa ghi kevba ladian, wa ghi vbe bọnmwẹ ebubẹ ni rre uwa owẹ ye otọ.

Iwinna 13:51

Avbe ukọ keghi bọnmwẹ ekhae ni rre iran owẹ kua ne iran, iran na gha rrie Aikọniọm.

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

I Kọrinti 14:16

A deghẹ orhiọn ruẹn ọkpa ọre u ya kpọnmwẹ Osanobua, vbe ọmwa kẹkan ne ọ deba ruẹ rre ugamwẹ gha ghi na gbe Isẹ hẹ ye erhunmwu ra ekpọnmwẹ ruẹn? Vbene ọ ra ya rẹn otọ ẹmwẹ ne u guan ẹ i rrọọ.

I Samuẹl 15:28

E Samuẹl keghi tama rẹn wẹẹ, “E Nọyaẹnmwa yanghan arriọba Izrẹl hin ruẹn obọ rre ẹrẹna, ọ keghi mu ne ọmwa ọvbehe ne ọ maa sẹ ruẹ.