Nehimaia 5:12 - Edo Bible (E Baibol Ẹdo) Version 1996

¹² Avbe ọkaolotu ni keghi kha wẹẹ, “Ma gha ru vbene u khare ma gha viọ avbe emwi iran ne iran, ma i ghi vbe si iran osa.” I keghi tie avbe ohẹn, I na wẹ ne avbe ọkaolotu vẹn ihẹn vbe sirra iran wẹ, iran gha ru vbene iran khare.

Nehimaia 5:12 ပူးပေါင်းရင်းမြစ်များ

Ẹzra 10:12

Emwa ni hia keghi datu rhie ewanniẹn yọ wẹẹ, “Ma gha ru vbene u rhirhi kha.”

Ẹzra 10:5

Rhunmwuda ọnii, Ẹzra keghi suẹn ọnrẹn vbene ọ na wẹ ne avbe ọkaolotu avbe ohẹn, e Livai kevbe avbe emwa nekpa, ne iran do vẹn ihẹn wẹ iran gha ru vbene Siekanaia zẹ iro ẹre.

Nehimaia 10:29

Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Nehimaia 10:30

Ma i ra rhie okhuo vbe uwu avbe orhunmwuyẹn ni rre ehe ne ima ye.

Nehimaia 10:31

Avbe orhunmwuyẹn gha mu ọka ra emwi ọvbehe gie ima dẹ vbe ẹdẹ ikẹtin ra vbe ẹdẹ iruemwi ọvbehe ma i ra dẹ. Ukpo ne ọ ya gba vbe ihinrọn hia, ma i ra gbe ugbo vbe otọe na, ma ghi vbe ya osa ma emwa hia ni rri osa.

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Nehimaia 5:11

Wa ya emwi ne iran rri osa ẹre hia ma iran igho ra ọka ra ayọn ra ofigbọn oliv. Wa vbe fannọ emwi iran hia ne iran vbene a wa tae na, ugbo, ogba azara, ogba oliv kevbe owa!”

Matiu 26:63

Jesu keghi ye hunwan. Ogie Ohẹn vbe dọlegbe tama rẹn wẹẹ, “I ya eni Osanobua ne ọ rrọọ ya a vẹn ihẹn nian wẹ ne u tama ima deghẹ wẹ ọrọre Mẹzaia ne Ovbi Osanobua.”

Iyẹn ne ọ Maan Ọghe Luk 19:8

Zakiọs keghi guakpao, ọ wẹẹ, “Danmwehọ mwẹ enọwanrẹn, I gha waa emwi ne I mwẹ ye ihe eva nẹ, I gha viọ obọkpa ne avbe ivbiogue. Adeghẹ I vbe gbe ọmwaikọmwa rhu, I gha ha ẹre werriegbe nẹẹn ukhukhu enẹ.”