Nehimaia 5:11 - Edo Bible (E Baibol Ẹdo) Version 1996

¹¹ Wa ya emwi ne iran rri osa ẹre hia ma iran igho ra ọka ra ayọn ra ofigbọn oliv. Wa vbe fannọ emwi iran hia ne iran vbene a wa tae na, ugbo, ogba azara, ogba oliv kevbe owa!”

Nehimaia 5:11 ပူးပေါင်းရင်းမြစ်များ

II Samuẹl 12:6

Ọ ghi vbe ha ẹre werriegbe igba enẹ ighẹ emwi ne ọ rhiere rhunmwuda emwi dan ne ọ ru na.”

Nehimaia 5:10

Mẹ gie avbe emwa ne a mọmọ igho kevbe ọka vbe obọ mwẹ, rhunmwuda ọnii, te I ghi mwẹ ivbi otu kevbe emwa ni winna mẹ. Banbanna nian, wa gie a ya ehia ma iran, ne iran ghẹ ghi ha osa.

Nehimaia 5:12

Avbe ọkaolotu ni keghi kha wẹẹ, “Ma gha ru vbene u khare ma gha viọ avbe emwi iran ne iran, ma i ghi vbe si iran osa.” I keghi tie avbe ohẹn, I na wẹ ne avbe ọkaolotu vẹn ihẹn vbe sirra iran wẹ, iran gha ru vbene iran khare.

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Iyẹn ne ọ Maan Ọghe Luk 3:8

Wa gha ru emwi ne a gha ya rẹn ighẹ wa gele zobọ vbe orukhọ na ru. Wa ghẹ zẹdẹ mu ẹn gha ye unu gha tie, ‘Ivbi Ebraham ma khin.’ Ne I tama uwa wẹ, Osanobua gha sẹtin viọ okuta nekhua na, ya ru igiogbẹ ne Ebraham.

Diuteronomi 6:11

Avbe owa ni rrọọ ghi vuọn ne emwi esiesi ne uwa ma viọ yọ, avbe uhae ne uwa na fian, deba ugbo azara kevbe ọghe ọliv ne uwa ma kọ. E Nọyaẹnmwa ghẹ ghi viọ uwa sẹ otọ na nẹ ighẹ te uwa ghi miẹn emwi ne uwa a rhirhi gha ho gha re.

I Samuẹl 12:3

Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”