Nehimaia 5:10 - Edo Bible (E Baibol Ẹdo) Version 1996

¹⁰ Mẹ gie avbe emwa ne a mọmọ igho kevbe ọka vbe obọ mwẹ, rhunmwuda ọnii, te I ghi mwẹ ivbi otu kevbe emwa ni winna mẹ. Banbanna nian, wa gie a ya ehia ma iran, ne iran ghẹ ghi ha osa.

Nehimaia 5:10 ပူးပေါင်းရင်းမြစ်များ

Nehimaia 10:32

Ukpukpo ma gha zẹ obọ ọkpa vbe a gha uwan ne kherhe ọghe esiliva ye ihẹ erẹnrẹn, ne a miẹn ya gha ha osa emwi ne a lo vbe Ọgua Osa.

Nehimaia 5:11

Wa ya emwi ne iran rri osa ẹre hia ma iran igho ra ọka ra ayọn ra ofigbọn oliv. Wa vbe fannọ emwi iran hia ne iran vbene a wa tae na, ugbo, ogba azara, ogba oliv kevbe owa!”

Nehimaia 5:7

I keghi ta ku avbe ọkaolotu kevbe iran ni rre ukpo vbe uwu iran, I na tama iran wẹẹ, “Wa ghẹ zẹ etẹn uwa kpokpo.” I keghi tie iko ọgbakha ne iran do guan ye ẹmwẹ na,

Nehimaia 5:9

Ẹre imẹ ghi na kha wẹẹ, “Emwi ne uwa ru na i maa. Ọ te kei ne uwa yọghọ ne Osanobua, ne uwa ru emwi ne ọ kere. Ẹghẹ nii, wa ghẹ i rhie otọ ne avbe eghian mwa, iran ne ẹ i re Ju, ne iran ya gha zan mwa.

Psalm 15:5

Ọ rhie ne emwa mọmọ vbene ẹi na vbe nọ igho isu. Ai vbe sẹtin ya igho dẹ ọe, ne ọ se osẹ gbe nọ ma rukhọ. Ọmwa ne ọ ru emwi na hia, te ẹkun gha sẹ ọre otọ vbe ẹdẹ hia.

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Ezikiẹl 18:13

Ọ vbe rhie igho isu ne emwa mọmọ. Rẹn gha diagbọnya ra? Hiehiere, ẹ i diagbọnya. Ọ ru avbe emwi osọnnọ na hia nẹ, rhunmwuda ọnii, te ọ gha wu. Obọ irẹn ọ re a ra vbe lẹ ẹmwẹ uwu irẹn ginna.

Ezikiẹl 18:7

Ẹ i rha ọmwa ẹ i do ọmwa oyi. Ọ vbe rhie emwi ne ọmwa ne ọ mọmọ ẹre emwi rhie ne ẹẹn da yi, werriegbe ne ẹẹn, ọ koko ne ohanmwẹ gbe, ọ vbe rhie ukpọn ne ne ọ rre irhunmwuirhun.

Ezikiẹl 18:8

Ẹ i rhie igho isu ne ọmwa. Ọ he ne ọ ru orukhọ, ọ vbe ta uhunmwu ẹmwẹ vbe ẹmwẹ ne a wẹ ne a guan yi hia.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

II Kọrinti 5:11

Ma rẹn emwi ne a yae kha wẹ, ne a gha mu ohan Nọyaẹnmwa, ma keghi rhunmwuda ọnii ho ne a gha bọ emwa yọ. Osanobua rẹn ima fo fẹẹrẹ, mẹ vbe yayi wẹ, vbe uwu ekhọe uwa, wa vbe rẹn mwẹ.

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Diuteronomi 15:2

Vbene uwa gha ru ẹe hẹ ọ re ọna khin, ọmwaikọmwa ne ọ rhie igho ne ovbi Izrẹl ne ihua ẹre mọmọ. ọ ghi ya osa nii ma rẹn, ọ ghẹ vbe kha ighẹ rẹn iran miẹn igho nii rhunmwuda, e Nọyaẹnmwa tobọ ẹre ya osa nii ma rẹn nẹ.