Nehimaia 4:7 - Edo Bible (E Baibol Ẹdo) Version 1996

⁷ E Sanbọlat, e Tobaia kevbe ivbi Arebia, Amọn kevbe Asdọd keghi họn wẹ ma wa ya nene ekẹn ne a gbe khian; ekẹn e Jerusalẹm, kevbe wẹ, ẹkpo nii rre ekẹn ni, te a ghi do gha gbe ẹe vba egbe, ohu keghi mu iran ẹsẹse.

Nehimaia 4:7 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

II Ọba 24:2

E Nọyaẹnmwa keghi gie otu ni gbalọ abẹkpẹn vbe ivbi e Babilọn gha dee, e Siria, Moab kevbe Amọn, ne iran do dunmwu e Juda a, zẹ vbene Nọyaẹnmwa la unu avbe akhasẹ ta ẹe wẹ rẹn gha ru ẹe.

II Krọnikol 20:1

Vbe ọ ma ghi kpee gbe, avbe ivbiyokuo e Moab, Amọn kevbe iran ni deba iran ighẹ Meun, keghi mu okuọ gha rrie Juda.

Ẹzra 5:8

“Ma ho ne u rẹn Umogun wẹ ma yo otọ e Juda, ma keghi do miẹn wẹ iran gha dọlegbe bọ Ọgua Osa Osanobua nọkhua nii, iran gha ya avbe okuta nekhua kevbe olila ne a viọ lele ekẹn bọe. Te iran wa mu aro yọ gha ye ifuẹro ru ẹe, ọ hẹko mwẹ iran uhunmwu khian.

Nehimaia 2:10

Sokpan, e Sanbọlat ne ovbi ẹvbo ne a tie ẹre Bẹt Horọn kevbe Tobaia ne ọ vbe rre asẹ vbe otọ Amọn ghi họn wẹ orhiọnkpa rre ne ọ do ru emwi ne ọ gha ma ivbi Izrẹl egbe, ohu dan kegha mu iran.

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 4:1

E Sanbọlat ghi họn wẹ ma ne Ju suẹn gha dọlọ ekẹn nii bọ nẹ, ohu dan keghi mu ẹẹn, ọ na suẹn gha ya ima gbe ogiẹ.

Nehimaia 4:6

Rhunmwuda ọnii, ma kegha gbe ekẹn nii khian, wanwanna, ọ keghi sẹ ukhiọnmwẹ uyomwẹ ọnrẹn rhunmwuda ọ ke wa rre emwa nii ekhọe ne iran winna.

Nehimaia 4:8

Iran keghi rhunmwuda ọnii koko si uma wẹ ne iran do khọn Jerusalẹm ne iran miẹn ehe na mu olighi yọ.

Nehimaia 6:16

Avbe eghian mwa ni rre ẹvbo ni lẹga ghi họn vberriọ, ekhue keghi mu iran, rhunmwuda, dọmwadẹ ọghọe rẹnrẹn wẹ iyobọ Osanobua ọ re a ya winna iwinna na.

Jerimaia 41:10

Iyekọnii, ọ keghi viọ avbe ivbi ọba nikhuo oghunmwu, deba avbe emwa ni ghi dekẹe vbe Mizpa, avbe emwa ne Nebuzaradan ne arowa ivbiyokuo viọ ne Gedalaia ne ọ gha gbearoghe. Ismaẹl keghi viọ ehia oghunmwu, ọ na de yan okhian ghe odẹ otọ Amọn.

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Emọs 1:8

I gha viọ iran ni khaemwisẹ vbe Asdọd kevbe Askẹlọn kpao, I gha rri Ẹkrọn ne ẹvbo oya. Ivbi e Filistin ni ghi kẹe hia gha wulo.”

Emọs 3:9

Wa tama iran ni rre ẹguae vbe Igipt kevbe Asdọd wẹẹ: “Wa ya si egbe koko ye oke ni rre ọkpẹn e Sameria ne uwa ya ghe otighi kevbe emwi dan ne iran ru vbe evba.”

Iwinna 5:33

Emwa ni rre Iko ghi wa họn ẹmwẹ na, okuosu keghi wa rri iran, sẹrriọ ne iran na wa ta ẹe ighẹ te iran gbele avbe ukọ rua.

Arhie Maan 12:17

Ẹghẹ nii ọre ohu okhuo ni na kakabọ mu Ugbogiorinmwi nii, ọ keghi ladian ya gha gu avbe uniẹn ọnrẹn ni dekẹe gbinna, avbe emwa hia ni ya uhi Osanobua ru emwi, iran keghi vbe rhie egbe mu avbe ẹmwata ne Kristi ta ladian.

I Samuẹl 11:2

E Nahas keghi wanniẹn wẹẹ, “I gha gu uwa ta ẹe kugbe a deghẹ wa kue yọ vbenian: ne I wọlọ aro obọ erha ọmwa ọghe dọmwadẹ ọghe ọe kua ne I ya ọnii fa Izrẹl hia a.”