Nehimaia 4:3 - Edo Bible (E Baibol Ẹdo) Version 1996

³ E Tobaia ne ọ mudia ke ẹe vbe evba keghi nọ wẹẹ, “Vbọkhun ekẹn ne ena ra sẹtin gbe yi, uhin ighẹ te umuọkhọkhọ sẹtin rrua ẹre gbotọ.”

Nehimaia 4:3 ပူးပေါင်းရင်းမြစ်များ

I Ọba 20:10

ọvbehe rre wẹẹ, “I gha viọ emwa ni bun rre ne iran do dunmwu ẹvbo ruẹ na an. Iran gha bun sẹrriọ wẹ te iran khian kpolo ebubẹ ọre mwẹ obọ gha rrie. Te avbe ẹbọ gha kinmwi mwẹ gbe ua a deghẹ I ma ru ẹe vberriọ!”

I Ọba 20:18

Rẹn keghi wa tama iran wẹẹ, “Wa munọ iran munọ ẹmwẹ ne unu ọ re te iran do gbinna ra te iran do gualọ adọlọ.”

II Ọba 18:23

I gha ye eni Ọgbaisi ta ẹe, I gha viọ ẹsin arriaisẹn eva ne uwa a deghẹ uwa gha miẹn ẹvbo ne ọ bun sẹrriọ ne ọ gha hin ẹnrẹn.

Nehimaia 2:10

Sokpan, e Sanbọlat ne ovbi ẹvbo ne a tie ẹre Bẹt Horọn kevbe Tobaia ne ọ vbe rre asẹ vbe otọ Amọn ghi họn wẹ orhiọnkpa rre ne ọ do ru emwi ne ọ gha ma ivbi Izrẹl egbe, ohu dan kegha mu iran.

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 6:1

E Sanbọlat, e Tobaia, e Gesiẹm kevbe avbe eghian mwa nekpa keghi họn wẹ ma gbe ekẹn ọlẹga nii fo nẹ, kevbe wẹ ẹkpo i ghi rrọ, a gha rhe miẹn wẹ, a ma he yi ẹkhu ye onurho ni rrọọ.

Eve Orriara 5:18

Rhunmwuda Oke Zaiọn khian ne a lẹẹ sẹrae ọ keghi vbe divbiẹ, avbe ekuaghagha oha gha hẹyo hẹrre vbe avbe itowa ni rrọọ.

Diuteronomi 23:3

“A ghẹ ka ovbi Amọn ra Moab kevbe emọ ne iran biẹlẹ ba emwa e Nọyaẹnmwa, uhin ya sẹ orre ne ogigbe.