Nehimaia 4:17 - Edo Bible (E Baibol Ẹdo) Version 1996

¹⁷ ighẹ iran ni gbe ekẹn. Uhin wẹ avbe iran ni gbe ekẹn, iran gha mu emwi iwinna ye obọ ọkpa, iran ghi ya obọ nọkpa mu emwi igbinna mwẹ.

Nehimaia 4:17 ပူးပေါင်းရင်းမြစ်များ

Nehimaia 4:13

Rhunmwuda ọnii, I keghi viọ emwi igbinna, avbe umozo, asoro kevbe uhanbọ ne emwa nii, I na ghae iran ye dọmwadẹ ẹwae lele iyeke ekẹn nii vbe ehe ne a ma hẹ na gbe ẹe fo.

Nehimaia 4:16

Ke ẹghẹ nii kpao, obọkpa vbe emwa kegha winna, obọkpa vbọ keghi ya gha ba odẹ, vbe ne iran na viọ ẹwu ematọn yọ, iran na viọ asoro, asa kevbe uhanbọ ya mu egbe igbinna. Avbe ekaolotu ima keghi wa mudia ye emwa ni iyeke gbangbaangban

Nehimaia 4:18

Dọmwadẹ ọghọe vbe iran ni gbe ekẹn keghi vbe mu umozo gba ye ẹkun. Ọmwa ne ọ gha fian okpe re keghi mudia ke mwẹ.

Psalm 149:6

Wa gie iran kakabọ go ladian, vbe iran a gha rho Osanobua, iran ghi vbe viọ umozo iran ni mu mwẹ obọ.

Ihuan Ne Ọ Sọọ Ihuan Hia 3:8

Te umozo wa gua iran hia obọ ro. Ivbiyokuo nẹdẹ ne egbe ẹre gbe ikpan ye okuo ọ re iran khin. Dọmwadẹ ọghọe vbe uwu iran mwẹ umozo, ne a ya gha khẹ odẹ ẹmwẹ igbinna asọn.

Daniẹl 9:25

Yi ọna ẹro ne u vbe rẹn emwi ne a ya ẹe kha. Ke ẹghẹ ne a ya tae wẹ ne abọ e Jerusalẹm kpao do sẹ ẹghẹ ne ọkaolotu ne Osanobua zẹe gha ya rre, ukpo ekigbesiyenẹ vbe ihe ihinrọẹn gha gberra. A gha dọlegbe bọ e Jerusalẹm ke ẹe kevbe idunmwu ni rrọọ kevbe avbe ọkhẹ ne ọ wegbe ọ gha vbe gha rrọọ vbe ukpo eva yan iyeha vbe ihe ihinrọn, sokpan ẹghẹ ọlọghọmwa ọ re ọ khian gha khin.

Joẹl 2:8

ra ne iran degbe egbe odẹ, iran ghi ya uhunmwu zẹ emwi ne a ya gbe odẹ hia gberra, emwi ne ọ sẹtin mu iran mudia i rrọọ.

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

I Kọrinti 16:9

Otọ wa rrọọ ẹsẹse vbe emwa, ne ọmwa gha na winna iwinna nọkhua kevbe ne aro rhie re, a gha rhe miẹn wẹ osuan wa bun vbọ ẹsẹse.

I Kọrinti 9:12

A deghẹ emwa ọvbehe rhie aro ye egbe emwi na vbe obọ uwa, wa ma rẹn ighẹ ma ọre ọ khẹ ke sẹ. Sokpan ma ma ho ne a lo ukpo na. Sokpan ma keghi ziengbe emwi hia ne a ghẹ ya mu idobọ ye ẹmwẹ Iyẹn Ne ọ maa ọghe Kristi.

II Kọrinti 6:7

Vbe ekpa ikpe orhu ẹmwata, vbe ekpa ẹtin Osanobua. Uyinmwẹ ẹmwata ọrọre emwi gbinna ne a ya gu emwa gbinna, kevbe ne a ya sinmwi egbe mwa.

Filipai 1:28

Wa ghẹ gie ohan eghian uwa mu uwa, wa gha mwẹ udinmwẹ vbe ẹghẹ hia, ọna ghi gie iran rẹn wẹ, te uwa ra khọn miotọ vbene iran ra na gbe kuẹn, rhunmwuda Osanobua ọ re ọ ra rhie akhọnmiotọ ne uwa.

II Timoti 2:3

Ghae vbe uwu oya, zẹ vbe ovbiyikuo ne ọ guobọ Kristi.

II Timoti 4:7

I ni nẹ vbene ẹtin mwẹ sẹe, vbe nene ulẹ, I rhie nene ulẹ sẹ eke ne a vin owẹ yi nẹ, I rhie nene iyayi mwẹ nẹ.