Nehimaia 4:15 - Edo Bible (E Baibol Ẹdo) Version 1996

¹⁵ Avbe eghian keghi họn wẹ ma rẹn nẹ wẹ iran khuan khẹ ima, ọ na vẹ ne iran rẹn wẹ Osanobua duẹ uma ne iran si ua nẹ. Ẹre ima hia ghi na werriegbe ya gha gbe ekẹn ni khian.

Nehimaia 4:15 ပူးပေါင်းရင်းမြစ်များ

II Samuẹl 15:31

E Devid ghi họn ighẹ Ahitofẹl vbe deba isọtẹ Absalọm, ọ keghi kha wẹẹ, “Nọyaẹnmwa, lahọ, fi ibude Ahitofẹl werriẹ khian ukọnmwẹ.”

II Samuẹl 17:14

Absalọm kevbe emwa rẹn keghi kha wẹẹ, “Iro ne Husiai zẹe ọ re ọ maa sẹ ọghe Ahitofẹl.” E Nọyaẹnmwa ta ẹe nẹ wẹ a i rhie iro esi ne Ahitofẹl zẹ rhunmwuda ne ọkhọ miẹn ehe na rruan Absalọm.

Nehimaia 4:16

Ke ẹghẹ nii kpao, obọkpa vbe emwa kegha winna, obọkpa vbọ keghi ya gha ba odẹ, vbe ne iran na viọ ẹwu ematọn yọ, iran na viọ asoro, asa kevbe uhanbọ ya mu egbe igbinna. Avbe ekaolotu ima keghi wa mudia ye emwa ni iyeke gbangbaangban

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Iyẹn ne ọ Maan Ọghe Mak 13:34

Te ọ ra ye vbe okpia ọkpa ne ọ kpao vbe owa gha rrie ehe, ọ na sẹ eguọmwadia ẹre rae ye owa, ọ na fian okhuo dọmwadẹ ọghọe nẹ ẹn, ọ na vbe khama ukọ ne urho ne ọ gha ba odẹ.

Ebe ne Pọl gbẹẹn gie emwa Rom 12:11

Wa kakabọ gha winna, wa ghẹ so oroho, wa gha ya ekhọe ne ọ vuọn ne oyọnyọn ga Nọyaẹnmwa.

I Tẹsalonaika 4:11

Wa gie a miẹn wẹ te uwa mu aro yọ wẹ, uyinmwẹ ọmẹhẹ ọre uwa khian gha yin, ne uwa hẹko gha ru ọghe uwa, ne uwa gha tobọ uwa khuan igho evbare uwa, zẹ vbene ima ka tama uwa yo.