Nehimaia 4:11 - Edo Bible (E Baibol Ẹdo) Version 1996

¹¹ Avbe eghian mwa keghi te gha ro wẹ ma i ra bẹghe iran, ra ma i ra rẹn, iran te do hẹ rhu mwa, ne iran gbele ima an, ne iran da obọ iwinna mwa yi.

Nehimaia 4:11 ပူးပေါင်းရင်းမြစ်များ

II Samuẹl 17:2

I ghi dekun ẹnrẹn vbe ẹghẹ ne egbe na wọ ẹre na, ekhọe ẹre vbe lighi. Ọ gha runran, emwa rẹn hia ghi lẹ kua, ọba ọkpa ọre I gha gbe.

Nehimaia 4:10

Ivbi e Juda mwẹ ihuan ọkpa ne iran gha so wẹẹ: “Egbe ihẹ ne a mu wọ mwa, iku ne a ra hẹ kua gba erhan gba irri vbe ima ra ya sẹtin gbe ekẹn na hẹ ẹrẹna?”

Nehimaia 4:12

Sokpan avbe Ju ni rre uwu ẹbu avbe eghian mwa kegha ya ẹmwẹ ha ima ehọ kugba kẹghẹre vbene avbe eghian khuan khẹ ima hẹ.

Nehimaia 4:9

Sokpan ma keghi na erhunmwu ghe Osanobua ima, ma na viọ emwa yọ ne iran gha baba iran ke avan kevbe asọn.

Psalm 56:6

Iran ghi ya si koko ye ẹkhokho, iran ghi gha baba emwi ne I ru hia, vbe idaehọ wẹ, ne iran gbe mwẹ uan.

Aizaia 47:11

Ọfuan gha de rhuẹ. Ẹbo edunna ruẹn ọkpa ne ọ ra dae yi i rrọọ. Ọ gha rhurhẹ yan ruẹn vbe udomwurri. Ọfuan ne u ma ro u ma kọ.

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Iwinna 23:21

Sokpan ghẹ zẹ ye iran ẹre rhunmwuda ọ yan arhin iyeva ni lẹre khẹ ọre vbe odẹ. Iran hia vẹn ihẹn nẹ wẹ iran i ra re, iran i ra da rhinrin iran te do gbe ẹe rua. Iran wa mu egbe ne iran gha ya ru vberriọ nian, vbe ne uwẹ kha hẹ ọre iran ghi mudia khẹ.”

I Tẹsalonaika 5:2

Rhunmwuda, wa tobọ uwa rẹnrẹn wẹ, zẹ vbene oyi rre vbe asọn ọre Ẹdẹ Nọyaẹnmwa khian rre.