Nehimaia 4:10 - Edo Bible (E Baibol Ẹdo) Version 1996

¹⁰ Ivbi e Juda mwẹ ihuan ọkpa ne iran gha so wẹẹ: “Egbe ihẹ ne a mu wọ mwa, iku ne a ra hẹ kua gba erhan gba irri vbe ima ra ya sẹtin gbe ekẹn na hẹ ẹrẹna?”

Nehimaia 4:10 ပူးပေါင်းရင်းမြစ်များ

II Krọnikol 2:18

Ọ keghi zẹ iran arriaisẹn ekigbesiyenẹ (70,000) ne iran gha la emwi rre, arriaisẹn iyenẹ (80,000) wẹ ne iran gha gia okuta vbe uhunmwu oke ọ keghi viọ arhin arriaeha yan arriaisẹn eha (3,600) ne iran gha gbearoghe iwinna nii ne iran miẹn wẹ a winnaẹn.

II Krọnikol 34:13

Avbe Livai ọvbehe kegha gbe aro ghe emwi ne a la gie iran, kevbe ne a gha gbe aro ghe avbe iwinna ughughan ne iran winna, iran nekpa kegha gbẹnnẹ avbe emwi ne a loro ye otọ ra ne iran gha khẹ odẹ.

Nehimaia 4:11

Avbe eghian mwa keghi te gha ro wẹ ma i ra bẹghe iran, ra ma i ra rẹn, iran te do hẹ rhu mwa, ne iran gbele ima an, ne iran da obọ iwinna mwa yi.

Nehimaia 4:2

Ọ kegha tae vbe odaro ihua ẹre kevbe ivbiyokuo e Sameria wẹẹ, “De emwi ne avbe Ju ne ẹwobi emwa wẹ iran ru na yi. Te iran ya dọlegbe bọ ẹvbo nii ra? Te iran ro ighẹ iran gha sẹtin la ekpa ese ne a zọ winna iwinna nii fo ẹdẹ ọkpa ra? Iran gha sẹtin ya iku ne ọ giẹn uan ru okuta ne a ya bọ owa ra?”

Nehimaia 4:9

Sokpan ma keghi na erhunmwu ghe Osanobua ima, ma na viọ emwa yọ ne iran gha baba iran ke avan kevbe asọn.

Ezikiẹl 29:18

“Ovbi ọmwa, e Nebukiadneza ne ọba e Babilọn gu e Taia gbinna. Ọ keghi ya avbe ivbiyokuo ẹre mu ihẹ ne ọ khua sẹrriọ wẹ te iran ghi gbele akpan, ẹtẹ keghi vẹ vbe izabọ iran, sokpan, ke ọba kevbe ivbiyokuo, ne ọ miẹn emwi esi ọkpa rhie ke ọe ladian, ẹ i rrọ ighe ẹsọn ne iran miẹn nii.

Hagai 1:2

E Nọyaẹnmwa ne Oghodua keghi tama e Hagai wẹẹ, “Iran na ta ẹe khian we ẹghẹ na ma kei yọ ne a gha ya bọ Ọgua Osa.”

Nọmbas 13:31

Sokpan avbe emwa ne iran vbe Kelẹb gba yo keghi kha wẹẹ, “Ẹn o, ma ma wegbe sẹ ne ọ gha dekun iran; iran ni rre evba wegbe sẹ mwa.”

Nọmbas 32:9

Iran khian sẹ Iya Ẹskọl, iran na miẹn otọe nii, sokpan iran ghi dọlegbe rre, iran keghi kpọzọe rua ne iran ghẹ yo otọe nii ne Nọyaẹnmwa mu ne iran.