Nehimaia 3:4 - Edo Bible (E Baibol Ẹdo) Version 1996

⁴ E Meremot ne ovbi Uraia kevbe eyẹ ọghe Hakọz keghi bọ ako ne ọ diakẹe. E Mẹsiulam ne ovbi Berakia kevbe eyẹ Mesiezabel keghi bọ ako ne ọ diakẹe. E Zadọk ne ovbi e Baana keghi bọ ako ne ọ diake ẹe.

Nehimaia 3:4 ပူးပေါင်းရင်းမြစ်များ

Ẹzra 2:61

Avbe ẹwae ohẹn na ma miẹn ehe ne a gbẹn ọẹn yi wẹ ghe ivbi uniẹn ne iran khin, iran na ọ re: e Hebaia, e Hakọz kevbe Bazilai. (Erha ọghe ẹwae avbe ohẹn ọghe Bazilai, ẹwae Bazilai ne ovbi e Giliad ọ re ọ na rhie okhuo, ọ re ọ na wa gha khuẹnniẹn eni ẹwae erha ọvbokhan rẹn.) Ugbẹn vbe a ghi miẹn wẹ, iran ma sẹtin kha ivbi uniẹn ne iran khin, iran ma gie a ka ba avbe ohẹn.

Ẹzra 8:33

Ọ ghi sẹ ikpẹdẹ ne ogienẹ, ma kegha rrie Ọgua Osa, ma keghi mwa avbe esiliva kevbe igoru kevbe avbe ọkpan, ma keghi viọ ne Meremot ne ohẹn ighẹ ovbi Uraia. Emwa ni gha gue ẹe rre evba kegha re Eliaza ne ovbi Finihaz deba e Livai eva, e Jozabad ne ovbi Jesua kevbe Noadaia ne ovbi e Binnui.

Nehimaia 3:21

E Meremot ne ovbi Uraia kevbe eyẹ ọghe Hakọz keghi bọ ako ne ọ lelẹe rhinrin ya sẹ ufomwẹ owa Eliasib.

Nehimaia 3:3

Ẹwae Hasenaa keghi bọ Onurho Ehẹn, Iran keghi mu egbaha kevbe ẹkhu ye ihẹ iran, iran keghi vbe mu asigbe kevbe ogba yọ ne a ya gha khui ẹre.

Nehimaia 3:30

E Hananaia ne ovbi e Sielemia, kevbe Hanun ne ovbi e Zalaf ne ukpogiehan, bọ ako ne ọ lele ẹe, ọna ọ re ne ukpogieva ne ọ bọe. E Mẹsiulam ne ovbi e Berakia keghi bọ ako ne ọ lele ẹe, ne ọ wa rre odaro owa ẹre.

Nehimaia 3:5

Emwa ni rre Tẹkoa ọ re ọ bọ ako ne ọ diake ẹe sokpan, iran ni hiunsi vbe ẹvbo ni ma winna iwinna ne a ye ẹtin ru ne avbe ekaolotu mu ne iran.

Nehimaia 6:18

Emwa ni bun vbe Juda keghi vbe deba ẹre rhunmwuda orruan rẹn ne ọ re Ju ighẹ Siekanaia ne ovbi Ara. Ye vbe sẹ ọnii, ovbi ẹre ighẹ Jehohanan keghi vbe rhie ovbi ẹre nokhuo rọnmwẹ ighẹ Mẹsiulam ne ovbi e Berakia.

Nehimaia 7:63

Avbe ẹwae ohẹn ne a ra sunu yi na ma miẹn ehe ne a gbẹnnẹ uniẹn ne iran khin yi, ne iran ya rẹn uniẹn ne iran khin: e Hebaia, e Hakọz kevbe Bazilai (Erha odede ọghe ẹwae ohẹn Bazilai keghi rhie okhuo vbe ẹwae Bazilai ne ọ rre Giliad, ọ keghi wa gha khuẹnniẹn eni erha amwẹ ọnrẹn. Rhunmwuda ne iran ma na sẹtin tae wẹ ghe uniẹn ne iran ke rre, a ma ghi kue ne iran gha ru ohẹn).