Nehimaia 3:3 - Edo Bible (E Baibol Ẹdo) Version 1996

³ Ẹwae Hasenaa keghi bọ Onurho Ehẹn, Iran keghi mu egbaha kevbe ẹkhu ye ihẹ iran, iran keghi vbe mu asigbe kevbe ogba yọ ne a ya gha khui ẹre.

Nehimaia 3:3 ပူးပေါင်းရင်းမြစ်များ

II Krọnikol 33:14

Vbe iyeke ọnọna, e Manasẹ keghi do mu yan ekẹn ne a gbe lẹga ẹvbo e Devid vbe odẹ ore vbọ vbe obọ ne ọ mu ghe ahọ, ọ na suẹn ọnrẹn vbe ihọkpa vbe iya vbe ọkpẹn ovbi ẹzẹ e Gihọn vbe ẹvbo nii.

Nehimaia 12:39

Ma keghi ke evba ya la Urho Ifreim gberra, Urho e Jesiana, Urho Ehẹn, Owa Ọkhẹ Ne gelete ọghe Hananẹl, kevbe Owa Ọkhẹ Ne gelete ọghe iran ne Iyisẹn ya sẹ Urho Ohuan. Ma keghi do mu ẹẹn ye otọ vbe ọkpẹn Urho Ọgua Osa.

Nehimaia 2:8

I keghi vbe nọ wẹ ne ọ gbẹn ebe mẹ rhie gie Asaf ne ọ gbearoghe ẹgbo ọba, ne ọ khama rẹn wẹ ne ọ viọ erhan mẹ ne I ya kan ẹkhu onurho odin ne ọ degue Ọgua Osa, deba ọghe ekẹn ne a gbe lẹga ẹvbo kevbe owa ne imẹ ra dia. Ọgbaisi keghi wa viọ emwi ne I nọrẹn hia mẹ rhunmwuda, Osanobua gun mwẹ rrọọ.

Nehimaia 3:4

E Meremot ne ovbi Uraia kevbe eyẹ ọghe Hakọz keghi bọ ako ne ọ diakẹe. E Mẹsiulam ne ovbi Berakia kevbe eyẹ Mesiezabel keghi bọ ako ne ọ diakẹe. E Zadọk ne ovbi e Baana keghi bọ ako ne ọ diake ẹe.

Nehimaia 3:6

E Jehoiada ne ovbi e Pesea kevbe Mẹsiulam ne ovbi e Besodia keghi dọlọ Onurho Jesiana yi. Iran keghi mu egbaha yọ kevbe ẹkhu ye ihẹ ẹre, iran keghi mu asigbe kevbe egba ne a ya khui onurho nii yọ.

Nehimaia 6:1

E Sanbọlat, e Tobaia, e Gesiẹm kevbe avbe eghian mwa nekpa keghi họn wẹ ma gbe ekẹn ọlẹga nii fo nẹ, kevbe wẹ ẹkpo i ghi rrọ, a gha rhe miẹn wẹ, a ma he yi ẹkhu ye onurho ni rrọọ.

Nehimaia 7:1

Vbe ẹghẹ ne a ghi kha na nian, a gbe ekẹn ọlẹga nii fo nẹ, a vbe yi ẹkhu lele ehia nẹ, a vbe ghae iwinna iran ne iran nẹ ighẹ iran ni khẹ Ọgua Osa, avbe ọsian nihuanrẹn, kevbe avbe Livai nekpa.

Psalm 147:13

Rẹn ruẹe ne onurho uwa wegbe; ọ fiangbe emwa ruẹn.

Zẹfanaia 1:10

“Ọ gha sẹ ẹdẹ ne ẹdẹrriọ,” erriọ Nọyaẹnmwa khare, “U gha họn urhu eve vbe Onurho Ehẹn vbe Jerusalẹm. U gha họn ugomwẹ vbe idunmwu ọgbọn ọghe ẹvbo nii, kevbe owogho emwi ne ọ de guọghọ ua vbe avbe uhunmwu oke.