Nehimaia 3:15 - Edo Bible (E Baibol Ẹdo) Version 1996

¹⁵ E Sialọm ne ovbi e Kọlhozẹ ne ọ kha yan otọ Mizpa keghi bọ Onurho Ẹzẹ. Ọ keghi ran onurho ne ọ rrọọ, ọ mu ẹkhu yọ, ọ kevbe viọ asigbe kevbe ogba yọ. A ghi vbe sẹ Ọghọdọ e Siẹla, ọ kevbe gbe ekẹn ne ọ diake ovbiugbo Ọba rhinrin ya sẹ ikpa owẹ ni ke Ẹvbo e Devid dee.

Nehimaia 3:15 ပူးပေါင်းရင်းမြစ်များ

II Samuẹl 5:9

E Devid keghi di odin ẹvbo nii ya, ọ kegha tie ẹre “Ẹvbo e Devid” Ọ keghi gba ogba ikhẹ igbinna lẹga ẹre ke Iya ne a tie ẹre Mila yasẹ ẹguae.

II Ọba 25:4

Iran keghi guọghọ ihe eso vbe ekẹn ne a gbe lẹga ẹvbo nii. A gha rhe miẹn wẹ te ivbi e Babilọn wa tan obọ khinkhian ẹvbo nii, avbe ivbi iyokuo ni rrọọ hia lẹkua vbe asọn. Iran keghi la odẹ ogba ọghe ọba ladian, iran keghi la onurho ne ọ rre ehe ne ekẹn eva na miẹn egbe, iran le le odẹ ne ọ rrie Iya e Jọdan.

II Krọnikol 32:30

E Hẹzekaia ne ọba ọ re ọ khiọ ehe ne Ẹzẹ Gihọn na lẹ ladian, ọ na dia amẹ ọnrẹn ne ọ lẹ la uroramẹ ya gha ye ihọkpa vbe uwu ehe ne a gbe ekẹn ga vbe Jerusalẹm. Emwi hia ne Hẹzekaia ru keghi gha dinna odẹ.

Nehimaia 12:37

Iran ghi sẹ Urho Uhunmwu ẹzẹ, iran keghi hin ikpawẹ ne ọ rrie Ẹvbo e Devid, iran keghi gberra ẹguae Devid, iran na dọlegbe do hin ekẹn nii vbe Urho Amẹ vbe odẹ ahọ ẹvbo nii.

Nehimaia 2:14

Vbe odẹ ahọ Onurho Ẹzẹ kevbe Ọghọdọ Ọba. Ekẹtẹkẹtẹ ne I ya khian ma miẹn ehe la vbe uwu iku nii.

Nehimaia 2:17

Sokpan, eban nian, I keghi tama iran wẹẹ, “Wa ghe uwu ọlọghọmwa ne ima ye rhunmwuda ne Jerusalẹm na rẹnkhuan, a kevbe guọghọ onurho ni rrọ ua! Wa gie ima dọlegbe gbe ekẹn ne ọ lẹga ẹvbo na, ne ima ban ukpọn emwiekhue hin ẹkun rre.”

Nehimaia 3:12

E Sialọm ne ovbi Halohes, ne ọ kha yan obọ nọkpa otọ Jerusalẹm keghi bọ ako ne ọ diake ẹe (Ivbi ẹre nikhuo wa gue ẹe winna vbọ).

Nehimaia 3:14

E Malkija ne ovbi e Rakab, ne ọ kha yan otọ Bẹthakiẹrọn keghi bọ Onurho Otiku. Ọ keghi yi ẹkhu yọ, ọ na viọ asigbe kevbe ogba yọ ne a ya gha khui onurho nii.

Nehimaia 3:19

Ẹzẹ, ne ovbi e Jesua, ne ọ khaemwisẹ yan Mizpa keghi bọ ako ne ọ lelẹe ne ọ rre odaro ehe ne a viọ emwi igbinna yi, rhinrin ya sẹ ehe ne ekẹn ke vbokho egbe ghe ehe ọvbehe.

Nehimaia 3:7

E Melataia ne ovbi ẹvbo ne a tie ẹre Gibiọn e Jadọn ne ọ ke Meronot rre, kevbe ivbi e Gibiọn kevbe Mizpa keghi bọ ako ne ọ diake ẹe ya sẹ owa ọghe enọkhaemwisẹ Orrie Yufretes.

Nehimaia 3:9

Refaia ne ovbi e Họ ne ọ re ne ọ kha yan obọkpa vbe otọ Jerusalẹm keghi bọ ako ne ọ diake ẹe.

Asan-Ibo 2:6

I keghi fian avbe ọghọdọ yọ ne amẹ gha ke evba lẹ yo ehia.

Aizaia 8:6

Ọ wẹẹ, “Rhunmwuda ighe avbe emwa na he amẹ Ẹzẹ Siloa ne ẹ i si ọfọ yotọ, iran na gha guọ zighazigha vbe odaro Ọba Rẹzin kevbe Ọba Pẹka,

Jerimaia 40:6

I keghi bu e Gedalaia vbe Mizpa, I na gu avbe emwa ni ghi kẹe vbe ẹvbo nii tota.

Iyẹn ne ọ Maan Ọghe Luk 13:4

Iran evairrọvbugie ni wulo vbe ihie siẹn rhu iran vbe Siloam vbe vbo? Wa yayi ighẹ ọnii rhie maa ighẹ iran ọre ọ ru orukhọ sẹ emwa ni rre Jerusalẹm hia?

Iyẹn ne ọ Maan Ọghe Jọn 9:7

Ọ tama rẹn wẹẹ, “Ya kpe aro ruẹ vbe ọghọdọ Siloam.” (Emwi ne a ya ọnii kha ọrọre, “Gie.”) Okpia ni keghi gele gha khian, ọ kpe aro ẹre, ọ keghi werriegbe gha dee vbene ọ ghi na bẹghe.

Giọgis 20:1

Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.

Giọgis 20:3

Ivbi e Bẹnjamin keghi họn wẹ ivbi Izrẹl nekpa hia wa rrie Mizpa. Ivbi Izrẹl keghi nọ wẹẹ, “Tama ima vbe ne iran ya ru ọkhọ na hẹẹ.”