Nehimaia 2:7 - Edo Bible (E Baibol Ẹdo) Version 1996

⁷ I keghi nọ rẹn wẹ ne ọ gun mwẹ wa miẹn aro ne ọ maa vbe obọ ẹre, ne ọ gbẹnnẹ ebe mẹ viọ gie avbe ni khaemwisẹ vbe otọ Orrie Yufretes wẹ ne iran gunmwẹ gha rrie Juda.

Nehimaia 2:7 ပူးပေါင်းရင်းမြစ်များ

Ẹzra 6:6

E Dariọs ne ọgbaisi keghi rhie ewanniẹn na gie iran: “Tatenai nọ khaemwisẹ otọe orrie Yufretes, Sieta Bozenai, kevbe emwa ni rre asẹ ne ihua a vbe odẹ orrie Yufretes. “Wa ke ẹmwẹ Ọgua Osa ladian.

Ẹzra 7:21

“I yan tama iran ni gbe aro ghe aza ni rre odẹ Orrie otọe e Yufretes hia wẹẹ emwi hia ne Ẹzra a rhirhi nọ ra avbe ohẹn, ra iran ni rẹn Uhi ọghe Osanobua Ẹrinmwi, wa ghi viọ ne iran.

Ẹzra 8:22

Ekhue ma gunmwẹ nọ ọgbaisi wẹ ne ọ viọ ivbiyokuo ne ima ne iran gha su ima khian, rhunmwuda mẹ tama rẹn nẹ wẹ te Osanobua fiangbe, emwa hia ni mu ẹtin yan rẹn, sokpan, ọ ghi gha mu ohu emwa hia ni fi iyeke gbe ẹe, ọ ghi gha rri iran oya.

Ẹzra 8:36

Iran kevbe mu ebe ne ọgbaisi gbẹn ne iran, iran na mu ne nọ khaemwisẹ kevbe iran ni rre asẹ vbe otọe Orrie Yufretes, iran na vbe ye obọ ya iran ẹre kevbe ugamwẹ vbe Ọgua Osa.

Nehimaia 2:9

Ọgbaisi na viọ avbe ọkaolotu ivbiyokuo eso mẹ deba ọka iran ni hin ẹsin ọkpa. Ọ re I na gha rrie Orrie Yufretes. I ghi sẹ evba, I na viọ avbe ebe ne ọgbaisi gbẹnnẹ nii ne avbe ni khaemwisẹ.

Nehimaia 3:7

E Melataia ne ovbi ẹvbo ne a tie ẹre Gibiọn e Jadọn ne ọ ke Meronot rre, kevbe ivbi e Gibiọn kevbe Mizpa keghi bọ ako ne ọ diake ẹe ya sẹ owa ọghe enọkhaemwisẹ Orrie Yufretes.