Nehimaia 2:6 - Edo Bible (E Baibol Ẹdo) Version 1996

⁶ Ehe ne ọgbaisi na tota ni, amwẹ ọnrẹn kevbe tota ke ẹe, ọ keghi yobọ ye emwi ne I nọ rẹn. Ọ keghi nọ mwẹ vbene I gha kpee sẹ hẹ, ke ẹghẹ ne I gha ya werriegbe rre, I na tama rẹn.

Nehimaia 2:6 ပူးပေါင်းရင်းမြစ်များ

Nehimaia 1:11

Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Nehimaia 13:6

Ẹghẹ ne emwi na ya sunu, mẹ i rre Jerusalẹm rhunmwuda, vbe ukpo ne ọ huẹre eva yan ọgban ne Atakzaziz ya gha re ọba e Babilọn, mẹ werriegbe gha khian ya na iyẹn ma rẹn. Ọ ghi kpee fua kherhe,

Nehimaia 2:4

Ọgbaisi keghi nọ wẹẹ, “De emwi ne u ghi ho nian?” I keghi na erhunmwu ghe Osanobua Ẹrinmwi, iyeke ọnii,

Nehimaia 2:5

I na tama ọgbaisi wẹẹ, “A deghẹ I miẹn aro ne ọ maa vbe obọ ruẹ, Umogun, u na vbe wẹ u gha rhie emwi ne I nọrẹn mẹ, gun mwẹ gha rrie Juda, ẹvbo nii ne a ree avbe erha mwẹ odede yi, ne I ya dọlọ ẹvbo nii bọ.”

Nehimaia 5:14

Vbe ukpo iweva ne I ya gha re ne ọkhaemwisẹ yan e Juda, ke ukpo ne ọ gba vbe ugie ne Atakzaziz ya gha re ọgbaisi, ya sẹ ukpo eva yan ọgban ne ọ ya ẹe, ke imẹ kevbe etẹn mwẹ, ne ọ rri evbare ne ọ khẹke mwẹ zẹ vbe ne ọkhaemwisẹ, ẹ i rrọọ.

Aizaia 58:12

Avbe emwa ruẹn gha dọlegbe bọ avbe emwi ni guọghọ ua ke ẹghẹ ni gha dee. Iran ghi bọlọ owa yan avbe ẹyotọ nẹdẹ nii. A ghi gha tie uwa emwa ni dọlegbe gbe ekẹn nii, emwa ni munọ avbe owa nii te khian itowa kpaegbe.”

Aizaia 61:4

Iran gha dọlọ avbe ẹvbo nii bọ ni te re itowa ke ẹkpo nii gha dee.

Aizaia 65:24

Iran te na erhunmwu fo, erhunmwu iran mẹ họn nẹ.

Daniẹl 9:25

Yi ọna ẹro ne u vbe rẹn emwi ne a ya ẹe kha. Ke ẹghẹ ne a ya tae wẹ ne abọ e Jerusalẹm kpao do sẹ ẹghẹ ne ọkaolotu ne Osanobua zẹe gha ya rre, ukpo ekigbesiyenẹ vbe ihe ihinrọẹn gha gberra. A gha dọlegbe bọ e Jerusalẹm ke ẹe kevbe idunmwu ni rrọọ kevbe avbe ọkhẹ ne ọ wegbe ọ gha vbe gha rrọọ vbe ukpo eva yan iyeha vbe ihe ihinrọn, sokpan ẹghẹ ọlọghọmwa ọ re ọ khian gha khin.