Nehimaia 2:5 - Edo Bible (E Baibol Ẹdo) Version 1996

⁵ I na tama ọgbaisi wẹẹ, “A deghẹ I miẹn aro ne ọ maa vbe obọ ruẹ, Umogun, u na vbe wẹ u gha rhie emwi ne I nọrẹn mẹ, gun mwẹ gha rrie Juda, ẹvbo nii ne a ree avbe erha mwẹ odede yi, ne I ya dọlọ ẹvbo nii bọ.”

Nehimaia 2:5 ပူးပေါင်းရင်းမြစ်များ

II Samuẹl 14:22

E Joab keghi ya ọghọ mu ẹko rhu otọ ne Devid, ọ wẹẹ, “Te Osanobua gha fiangbe uẹ, Umogun, wanwanna nian, I rẹnrẹn wẹ ẹko mwẹ ma ruẹn, rhunmwuda, u ru emwi ne I nọ rẹn mẹ.”

Ẹzra 5:17

“Wanwanna nian Umogun, a deghẹ ọ yẹ ruẹ, u sẹtin wẹ ne a gualọ otọe emwi na vbe ehe ne a gbẹnnẹ ẹmwẹ ẹguae yi, ne a miẹn ehe na rẹn a deghẹ e Sairọs gele wẹ ne a dọlọ Ọgua Osa ne ọ rre Jerusalẹm bọ ra ẹn o, vbe iyeke ọnii, wẹ ghi vbe gie ima rẹn vbene ẹmwẹ na ye hẹ vbe ekhọe uwẹ.”

Nehimaia 2:4

Ọgbaisi keghi nọ wẹẹ, “De emwi ne u ghi ho nian?” I keghi na erhunmwu ghe Osanobua Ẹrinmwi, iyeke ọnii,

Nehimaia 2:6

Ehe ne ọgbaisi na tota ni, amwẹ ọnrẹn kevbe tota ke ẹe, ọ keghi yobọ ye emwi ne I nọ rẹn. Ọ keghi nọ mwẹ vbene I gha kpee sẹ hẹ, ke ẹghẹ ne I gha ya werriegbe rre, I na tama rẹn.

Ẹsta 1:19

A deghẹ ọ yẹ ruẹ vbenian Umogun, ye asẹ ọghe ọba tae ladian wẹ ne Vasti ghẹ ghi ye aro kan ruẹn aro ọvbehe. U ghi rhie ukpo ẹre zevbe Oloi ne okhuo ọvbehe ne ọ maa sẹ ọre.

Ẹsta 5:8

“A deghẹ u gele wẹ u gha ye itohan rhie emwi ne I nọ rẹn mẹ, Umogun I gha wẹ ne uwẹ vbe Haman mu otuẹ gunmwẹ akhuẹ ne I vbe le evbare ọvbehe khẹ uwa. Ẹghẹ nii ọ re I gha na tama ruẹn emwi ne I ho.”

Ẹsta 7:3

Ẹsta ne Oloi keghi wanniẹn wẹẹ, “A deghẹ ọ yẹ ruẹ Umogun ne u ru mẹ vbene I nọ rẹn, emwi ne I ho ọrọre wẹ ne a gie imẹ kevbe emwa mwẹ di agbọn ya.

Ẹsta 8:5

“Adeghẹ ọ yẹ ruẹ Umogun, a deghẹ u gele mu ẹmwẹ mwẹ ro, a deghẹ ọ vbe kei vbe aro ruẹ, lahọ, tae ne a ya ẹe wewe ẹe la ehe hia wẹ ne a ghẹ ghi mu ẹmwẹ dan ne Haman tae sẹ, ẹmwẹ dan ne ovbi e Hamedata ne ovbi Agag tae wẹ ne a fuẹn avbe Ju ni rre otọe arriọba na hia a.

Itan 3:4

U gha ru vbenian, u gha miẹn aro ne ọ maa vbe obọ Osanobua kevbe emwa nagbọn.

Daniẹl 9:25

Yi ọna ẹro ne u vbe rẹn emwi ne a ya ẹe kha. Ke ẹghẹ ne a ya tae wẹ ne abọ e Jerusalẹm kpao do sẹ ẹghẹ ne ọkaolotu ne Osanobua zẹe gha ya rre, ukpo ekigbesiyenẹ vbe ihe ihinrọẹn gha gberra. A gha dọlegbe bọ e Jerusalẹm ke ẹe kevbe idunmwu ni rrọọ kevbe avbe ọkhẹ ne ọ wegbe ọ gha vbe gha rrọọ vbe ukpo eva yan iyeha vbe ihe ihinrọn, sokpan ẹghẹ ọlọghọmwa ọ re ọ khian gha khin.

Matiu 23:27

“U miẹn agbọn ne uwa ye, enimaemwa Uhi kevbe Farisi, ayunukpaegbe! Wa ye vbe idin ne a ye orhue dọlọ, ne odukhunmwu ẹnrẹn ye mose mose, sokpan uwu ẹre vuọn ne ugboloko orinmwi kevbe osọnnọ ẹwia.

Ebe Rut 2:13

E Rut keghi wanniẹn wẹẹ, “Enọwanrẹn, u kakabọ tohan mwẹ. Vbene u vbe gun mwẹ guan khuẹrhẹ, wa vbe rhie igiẹdu mẹ, mẹ ne ọguọmwadia ruẹ, a gha rhe miẹn wẹ I ma vba ọkpa vbe uwu avbe eguọmwadia ruẹ.”