Nehimaia 2:4 - Edo Bible (E Baibol Ẹdo) Version 1996

⁴ Ọgbaisi keghi nọ wẹẹ, “De emwi ne u ghi ho nian?” I keghi na erhunmwu ghe Osanobua Ẹrinmwi, iyeke ọnii,

Nehimaia 2:4 ပူးပေါင်းရင်းမြစ်များ

II Samuẹl 15:31

E Devid ghi họn ighẹ Ahitofẹl vbe deba isọtẹ Absalọm, ọ keghi kha wẹẹ, “Nọyaẹnmwa, lahọ, fi ibude Ahitofẹl werriẹ khian ukọnmwẹ.”

I Ọba 3:5

Vbe asọn nii, e Nọyaẹnmwa keghi rhie egbe ma rẹn vbe imina, ọ nọ rẹn wẹẹ, “De emwi ne u ho ne I ru nuẹn?”

Nehimaia 1:11

Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Nehimaia 1:4

Ugbẹn vbe I ghi họn ẹmwẹ na, I na de tota, I na gha viẹ egbe mwẹ. I ma rri evbare vbe ikpẹdẹ ni bun, I kegha khiẹ, I na gha na erhunmwu ghe Osanobua,

Nehimaia 1:5

“E Nọyaẹnmwa, Osanobua ọghe Ẹrinmwi! Ọmwa nọkpọlọ ẹsẹse wẹ khin Ohan ruẹn vbe mu mwa. We i hiẹ ọmwa ne ọ ho ẹmwẹ ruẹn ọ na vbe gha ru vbene u khare.

Nehimaia 2:20

Mẹ keghi wanniẹn wẹẹ, “Osanobua Ẹrinmwi gha rhie arudinodẹ ne ima, eguọmwadia ẹre ma khin, te ima ra suẹn gha bọ ẹe na. Sokpan ukpe emwiewe ọkpa ma khẹ ke uwa vbe Jerusalẹm, avbe emwi arre ne a ru vbọ ma vbe kan uwa.”

Nehimaia 2:5

I na tama ọgbaisi wẹẹ, “A deghẹ I miẹn aro ne ọ maa vbe obọ ruẹ, Umogun, u na vbe wẹ u gha rhie emwi ne I nọrẹn mẹ, gun mwẹ gha rrie Juda, ẹvbo nii ne a ree avbe erha mwẹ odede yi, ne I ya dọlọ ẹvbo nii bọ.”

Ẹsta 5:3

vbọ khin yi Oloi Ẹsta? Tama mwẹ emwi ne u ho, ọ gha sẹ uẹ obọ, ọ gha khọn rẹn ne ọ gha re ne a wa otọe arriọba mwẹ ye eva nọ.

Ẹsta 5:6

Ehe ne iran ghi na da ayọn nii, Ọba keghi nọ Ẹsta wẹẹ, “Tama mwẹ emwi ne u ho, ọ gha sẹ uẹ obọ, I gha rhie emwi ne u nọrẹn ne uẹn, ọ gha rhe gha re ya sẹ obọkpa vbe arriọba mwẹ nọ.”

Ẹsta 7:2

Ehe ne iran na da ayọn ni ọba keghi nọ rẹn ukpogieva wẹẹ, “Ẹsta ne Oloi, de emwi ne u ho? Tama mwẹ, ọ gha sẹ uẹ obọ, I gha sẹtin ghae otọe arriọba mwẹ mu obọkpa vbọ ne uẹn.”

Psalm 136:26

Wa rhie ekpọnmwẹ ne Osanobua ẹrinmwi, etẹbitẹ ọ re ahoẹmwọmwa rẹn khin.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

Iyẹn ne ọ Maan Ọghe Mak 10:51

Jesu nọ rẹn wẹẹ, “Vbe ua ho ne I ru nu ẹn?” Arhuaro nii keghi wanniẹn wẹẹ, “Ọmamwaemwi, I ho ne I sẹtin gha dẹghe.”

Iwinna 23:19

Ọkaokuo ni keghi rhie ẹre obọ, ọ na tobọ ẹre rhie ẹre gha rrie efẹn ọkpa, ọ nọ rẹn wẹ, “De ẹmwẹ ne u ra tama mwẹ yi?”

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.