Nehimaia 2:3 - Edo Bible (E Baibol Ẹdo) Version 1996

³ Rhunmwuda ọnii, I keghi wanniẹn wẹẹ, “U gha tọ u kpẹre Umogun, vbọzẹ ne ekhọe mwẹ i ra na rhia ugbẹn vbe a miẹn wẹ ẹvbo ne a re avbe erhamwẹ odede yi, a rẹnkhọn ruan, a keghi ya erhẹn giẹn urho ne ọ rrọọ?”

Nehimaia 2:3 ပူးပေါင်းရင်းမြစ်များ

I Ọba 1:31

E Batsiẹba keghi vbokho uhunmwu rriotọ, ọ wẹẹ, “Enaẹmwẹ ne ọba gha tọ, ọ kpẹre.”

II Ọba 25:8

Ọ ghi sẹ ikpẹdẹ ne ogihinrọn ọghe ukpo ne ọ ya gba vbe ọkpa irrọ vbugie ọghe Nebukiadneza e Babilọn, e Nebuzaradan ne ọ gu ọba zẹ iro ne ọ vbe re ne ọ kha yan ivbi iyokuo ẹre, keghi la ore Jerusalẹm.

II Krọnikol 21:20

Ukpo evayan ọgban ọ re Jehoram gha ye vbe ọ rriọba ọ keghi ya ukpo erẹnrẹn vbe ẹkete vbe Jerusalẹm. Ọ ma zẹdẹ da ọmwarhọkpa vbe ọ wu. Iran keghi re ẹre ye ẹvbo e Devid sokpan a ma re ẹre ye idin avbe ọba.

II Krọnikol 28:27

Ehaz ne ọba keghi wu, a na re ẹre ye Jerusalẹm, sokpan, a ma re ẹre ye idin avbe ọha, e Hẹzekaia ne ovbi ẹre keghi rriọba lele ẹe.

II Krọnikol 32:33

E Hẹzekaia keghi wu, a na re ẹre ye obọ ne ọ ke uwu idin avbe ọba. Ivbi e Juda kevbe ivbi e Jerusalẹm hia keghi ru ne ẹẹn ẹsẹse vbe ọ wu. E Manasẹ ne ovbi ẹre keghi rriọba lele ẹe.

II Krọnikol 36:19

Ọ keghi giẹn Ọgua Osa kevbe ẹvbo ni sẹ otọ.

Nehimaia 1:3

Iran keghi tama mwẹ wẹ uwu ọlọghọmwa nọkhua ọ re iran ye ighẹ iran ni miẹn uhunmwu ya sẹ owa, kevbe wẹ avbe erhunmwuyẹn ni yin lẹga iran I zẹdẹ ghe iran sọmwa, iran kevbe tama mwẹ wẹ te ekẹn ne a gbe gaa e Jerusalẹm he ye rẹnkhuan kevbe wẹ a ma he ye dọlegbe bọ onurho ẹre ke ẹghẹ ne iran ya giẹn ọnrẹn gha dee.

Nehimaia 2:13

Asọn he ye nọ vbe ima la Onurho Iya ladian ore ẹvbo vbe obọ orrie, ma keghi khian ghe odẹ ekẹn, a na la Ẹzẹ Ugbogiorinmwi gberra gha rrie Onurho Otiku. Vbene I lae khian, I kegha ghe ehe ne ekẹn ẹvbo ni na guọghọ kevbe avbe onurho ne erhẹn giẹn uan.

Ẹsta 8:6

Vbia ra ru hẹ, a deghẹ emwi dan na sunu vbe egbe emwa mwẹ, a na vbe gbele avbe etẹn mwẹ.”

Psalm 102:14

Avbe eguọmwadia ruẹ ho ẹmwẹ ọnrẹn, egbe ne a rhe ya fuẹn ọnrẹn uan, iran ye tohan rẹn, a gha rhe miẹn wẹ itowa ore ghi nọ.

Psalm 102:15

Avbe uhunmwu ẹvbo gha mu ohan e Nọyaẹnmwa, avbe ọba agbọn hia gha mu ohan ẹtin ẹnrẹn.

Psalm 137:6

Ii gha dọlegbe guara so ihuan ọvbehe; a deghẹ I ma ye ruẹ rre; a deghẹ I ma rhie ruẹ ke odaro oghọghọ mwẹ hia!

Psalm 38:7

Emwirraro ye egbe mwẹ giẹn uan I sikẹ uwu fo.

Jerimaia 52:12

Vbe ikpẹdẹ ne ogigbe ọghe uki ne ogisẹn vbe ọ rre ukpo okpa irrọvbugie ne Ọba Nebukiadneza rriọba e Babilọn, e Nebuzaradan ne arowa ivbiyokuo ẹre kevbe ne ọ gue ẹe zẹ iro keghi la ore Jerusalẹm.

Eve Orriara 2:9

Iku siẹẹn rhu onurho ẹre ginna otọ a dunmwu ogba ni rro rẹnkhẹnrẹnkhẹn. Ke avbe ọha kevbe egbesẹmwegie hia iwe ọ re iran hia ghi ye. A i ghi ma emwa nene Uhi ọvbehe avbe akhasẹ ighi miẹn umian ke ehe ne Nọyaẹnmwa ye rre.

Daniẹl 2:4

Iran keghi ya ẹvbo Aremia tama rẹn wẹẹ, “Ọba gha tọ, ọ kpẹre, ta imina ne u minaẹn ma ima, ma gha rhan otọ ẹre ma ruẹn.”

Daniẹl 3:9

Iran keghi ya tama e Nebukiadneza wẹẹ, “U gha tọ u kpẹre, Umogun.

Daniẹl 5:10

Iye ọba keghi họọn owogho ne ọ ke ehe ne ọba kevbe avbe ekhaẹmwẹ ọnrẹn ye rre, ọ keghi la Ọgua ne iran na rrie evbare nii, ọ keghi kha wẹẹ, “U gha tọ u kpẹre Umogun, lahọ ghẹghi fian afianma ne u wa kuagha vbe nian.

Daniẹl 6:21

E Daniẹl keghi wanniẹn wẹẹ, “U gha tọ u kpẹre, Umogun.

Daniẹl 6:6

Iran keghi rhunmwuda ọnii bu ọba gha khian, iran taa ma rẹn wẹẹ, “E Dariọs ne ọba, u gha tọ u kpẹre, Umogun.

Levitikọs 26:31

I gha ya ẹvbo uwa hia khian ni rẹnkhẹn uan, I gha guọghọ ehe ne uwa na ga. I ghi vbe he ese ne uwa zọre.