Nehimaia 2:20 - Edo Bible (E Baibol Ẹdo) Version 1996

²⁰ Mẹ keghi wanniẹn wẹẹ, “Osanobua Ẹrinmwi gha rhie arudinodẹ ne ima, eguọmwadia ẹre ma khin, te ima ra suẹn gha bọ ẹe na. Sokpan ukpe emwiewe ọkpa ma khẹ ke uwa vbe Jerusalẹm, avbe emwi arre ne a ru vbọ ma vbe kan uwa.”

Nehimaia 2:20 ပူးပေါင်းရင်းမြစ်များ

II Krọnikol 26:5

Ẹghẹ ne Zẹkaraia ne ọ gu ẹe ziro ẹmwẹ ugamwẹ ya ẹe vbe agbọn hia, ọ keghi ya ekhọe ẹmwata ga e Nọyaẹnmwa, Osanobua keghi fiangbe ẹe.

Ẹzra 4:3

Ẹre Zerubabẹl, e Jọsua kevbe avbe ọkaẹgbẹe na tama iran wẹẹ, “Ma i mwẹ emwi na a ya iyobọ uwa ru vbe Ọgua Osa ne ima bọ ne Nọyaẹnmwa ne Osanobua ima, ma gha tobọ ima bọe zẹ vbene Sairọs ne ọgbaisi e Pẹsia tama ima.”

Nehimaia 1:4

Ugbẹn vbe I ghi họn ẹmwẹ na, I na de tota, I na gha viẹ egbe mwẹ. I ma rri evbare vbe ikpẹdẹ ni bun, I kegha khiẹ, I na gha na erhunmwu ghe Osanobua,

Nehimaia 2:4

Ọgbaisi keghi nọ wẹẹ, “De emwi ne u ghi ho nian?” I keghi na erhunmwu ghe Osanobua Ẹrinmwi, iyeke ọnii,

Ẹsta 4:11

“A deghẹ ọmwaikọmwa la odẹ ugha vbe ẹguae, ọ na ya miẹn ọba vbe ne a ma na gie na a tie ẹre, te a gbe ọmwa nii uan, ọ re okpia na nọ ra okhuo nọ. Uhi ne ọ rrọọ ọ re ọnii khin, emwa hia wa rẹn ọna ke egbe avbe iguọbaziro kpao ya sẹ egbe avbe emwa ni rre iyaẹvbo hia. Odẹ ọkpa ne a na sẹtin lẹ uhi na fe ọrọre wẹ, a deghẹ ọba ghi niẹn ọkpọ igoru ẹre da ọmwa nii, a i ghi gbe ẹe rua sokpan uki hoho ọ re ọ ghi ye na ne ọba ghi gie na a tie mwẹ sẹ.”

Psalm 102:17

Ọ gha họn ọghe emwa rẹn ne ọ sẹrae, ọ gha danmwehọ erhunmwu iran.

Psalm 122:6

Wa na erhunmwu ye ọfumwegbe Jerusalẹm: “Te agbọn gha ma iran ni ho ẹmwẹ ruẹn.

Psalm 20:5

Ẹghẹ nii, ma gha wẹ uwemwẹ oghọghọ ye akhọnmiotọ ọwuẹ ma ghi vbe rho Osanobua ya do ugie arunagban ruẹn. Te Nọyaẹnmwa gha viọ emwi ne u nọrẹn hia nuẹn.

Psalm 35:27

Iran ni ho ne a bu ohiẹn mẹ, te iran gha wee ne oghọghọ, ne iran vbe gha tae khian wẹẹ, “U miẹn vbe Nọyaẹnmwa kpọlọ hẹ! Ẹko rhiẹnrhiẹn ọẹn vbe ọ gha dunna ne eguọmwadia ẹre.”

Psalm 51:18

Osanobua, tohan e Zaiọn ne u yi ọre obọ, dọlegbe gbe ekẹn Jerusalẹm.

Ẹksọdọs 28:29

“Errọn gha la uwu ehe ne ọ Huanrẹn nii, ọ ghi gbẹnnẹ eni ivbi Izrẹl ye uhanhan ukpọn ẹwẹe ne imẹ ne Nọyaẹnmwa miẹn ehe na gha ye iran ne emwa mwẹ rre vbe ẹghẹ hia.

Asan-Ibo 7:18

Gie emwi hia gha re oreghe. Adeghẹ u ya ọghọ ne Osanobua, ẹ i mwẹ ọ ma dunna nuẹn.

Aizaia 56:5

ẹghẹ nii, a gha ye eni ruẹn rre vbe Ọgua Osa mwẹ kevbe uwu ẹbu avbe emwa mwẹ kpẹe vbotọ ẹsẹse sẹẹ akpawẹ te u biẹlẹ emọ ikpia kevbe emọ ikhuo. A i mianmian an ẹdẹdẹmwẹdẹ.”

Levitikọs 2:2

Ọ ghi mu ẹẹn bu ohẹn Errọn gha dee. Ohẹn ne ọ ru ugamwẹ ghi zẹ uguobọ ọkpa irhuarhua nii, ọ ghi giẹn ọnrẹn uan vbe aka ne a ya rhie ma wẹ te a ya ẹe zọ ese ghe Nọyaẹnmwa. Uwinhinmwẹ emwi ihaoko evbare vbenian yẹ Nọyaẹnmwa.

Levitikọs 24:7

U ghi rhie eturari yan ọkpọkpa vbe uviẹn nii ne a ya zihana izẹọhẹ evbare gie Nọyaẹnmwa, ne ọ mudia ye ihe ebrẹd nii.

Zẹkaraia 6:14

Ẹdẹ ni gha rre nẹ a ya gbe ayere vbe Ọgua Osa e Nọyaẹnmwa vbe eni e Heldai, Tobaija, Jedaia, kevbe Josaia.”

Nọmbas 10:10

Erriọ vbe nọ vbe ẹghẹ iku ọyẹnmwẹ, ẹghẹ Emwiukpo Uki Ọgbọn, kevbe emwiukpo ugamwẹ ọvbehe hia, wa gha viọ ese na giẹn uan ọghe uwa rre, kevbe ọghe isara, wa ghi kpe okpe na. Ẹghẹ nii, I gha yi uwa obọ. Mẹ ọ re Nọyaẹnmwa Osanobua rua.”

Iwinna 10:31

ọ wẹẹ, ‘Kọniliọs, Osanobua họn erhunmwu ruẹn nẹ, ọ vbe ye iwinna itohan ruẹn rre.

Iwinna 10:4

Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

Iwinna 8:21

Iwinna mwa ma kan ruẹn, u i vbe mwẹ oghae vbọ, rhunmwuda ekhọe ruẹ ma mudia ẹse vbẹ odaro Osanobua.