Nehimaia 2:19 - Edo Bible (E Baibol Ẹdo) Version 1996

¹⁹ Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 2:19 ပူးပေါင်းရင်းမြစ်များ

Nehimaia 13:28

Ovbi e Eliasib ne Ogie Ohẹn ọre Joiada gha khin. Sokpan, ọkpa vbe ivbi e Joiada keghi rhie ovbi e Sanbọlat ne ovbi ẹvbo ne a tie ẹre Bẹt Horọn rọnmwẹ. I keghi rhunmwuda ọnii wẹ ne Joiada kpao vbe Jerusalẹm.

Nehimaia 2:10

Sokpan, e Sanbọlat ne ovbi ẹvbo ne a tie ẹre Bẹt Horọn kevbe Tobaia ne ọ vbe rre asẹ vbe otọ Amọn ghi họn wẹ orhiọnkpa rre ne ọ do ru emwi ne ọ gha ma ivbi Izrẹl egbe, ohu dan kegha mu iran.

Nehimaia 4:1

E Sanbọlat ghi họn wẹ ma ne Ju suẹn gha dọlọ ekẹn nii bọ nẹ, ohu dan keghi mu ẹẹn, ọ na suẹn gha ya ima gbe ogiẹ.

Nehimaia 6:6

Ọ wẹẹ, “E Gesiẹm tama mwẹ, iran tae khian vbe ẹvbo hia ni lẹga wẹ te uwa ne Ju ho ne uwa sọtẹ, ọnii ọ sii ẹe ne uwa na dọlegbe gbe ekẹn ọlẹga nii. Ọ vbe tae wẹ, te u ho ne u ma egbe ruẹ ọba.

Nehimaia 6:9

Iran keghi te gha ho ne iran runran ima ne ima zẹ iwinna ni obọ. I keghi na erhunmwu wẹẹ, “Sokpan, banbanna nian, Osanobua, rhie iwegbe mẹ!”

Job 30:1

Sokpan, emwa ni ma sẹ ihua mwẹ gha ya mwẹ gbe ogie nian. Emwa ne erha iran ma sẹ ọmwa ne I gha giẹ lele ekita mwẹ, ne iran ya gha gbe aro ghe ohuan mwẹ.

Psalm 123:4

Ọ kpee gbe ne iran ni fe kegha ya ima gbogiẹ, iran hia ni hio kevbe ni kpokpo mwa gha zan mwa.

Psalm 79:4

Avbe ẹvbo ni lẹga mwa gha tie ihẹn ne ima. Iran gha giẹ ima iran gha ya ima gbe ogiẹ.

Psalm 80:6

U vbe gie avbe uhunmwu ẹvbo ni lẹga mwa gha khọn sinmwi otọe mwa, avbe eghian mwa rhovbiẹ mwa.

Psalm 80:7

Viọ ima werriegbe gha dee Osanobua Ne Oghodua rhie itohan ruẹn ma mwa a gha miẹn ima fan.

Aizaia 36:5

Ọ keghi nọ wẹẹ, “Wẹ yayi wẹ unu ne a mwẹ gha winna iwinna ẹtin kevbe iguemwi ọghe okuo ra? De ọmwa ne uwẹ ro ighe ọ gha rhie obọ yuẹ iyeke ne u ya sọtẹ Asiria yi?

Jerimaia 20:8

Ẹghẹikẹghẹ ne I rhirhi a ya guan I ghi gha tie, “Ọkhọ kevbe Ọfuan.” Nọyaẹnmwa, I khian ne a ghi ya gbe ogie kevbe ne a zan vbe ẹghẹ hia, rhunmwuda ighẹ I ta uhunmwu ne u gie.

Jerimaia 41:10

Iyekọnii, ọ keghi viọ avbe ivbi ọba nikhuo oghunmwu, deba avbe emwa ni ghi dekẹe vbe Mizpa, avbe emwa ne Nebuzaradan ne arowa ivbiyokuo viọ ne Gedalaia ne ọ gha gbearoghe. Ismaẹl keghi viọ ehia oghunmwu, ọ na de yan okhian ghe odẹ otọ Amọn.

Matiu 9:24

Ọ keghi tama iran wẹẹ, “Wa hẹ ọre hin emwa rre, ọmọ na ma wu, te ọ vbiẹ.” Iran hia kegha giọe.

Iyẹn ne ọ Maan Ọghe Mak 5:40

Iran keghi suẹn gha giẹ ọe: rhunmwuda ọnii ọ keghi khulo iran hia ladian, ọ keghi rhie erha ọmọ nii kevbe iye ẹe deba avbe erhuanegbe ẹre eha, ọ na gha rrie ehe ne ọmọ ni lovbiẹ yi.

Iyẹn ne ọ Maan Ọghe Luk 23:2

Iran keghi ba ẹre ifi ẹzọ wẹ, “Ma mu okpia na vbe uwu ehe ne ọ na ruẹn ẹmwẹ ye emwa ima ẹko, ọ wẹ ne iran ghẹ ghi ha igho uhunmwu gie Nọgbaisi, ọ wẹ rẹn tobọ irẹn ọrọre Kristi ne Ọba.”

Iyẹn ne ọ Maan Ọghe Jọn 19:12

Ugbẹn vbe Pailet họn ẹmwẹ na, ọ keghi dọlegbe rhiegba yọ wẹ ne irẹn fan ẹn fua. Sokpan avbe Ju dọlegbe van mu ẹn wẹẹ, “U gha fan oko na fua, ọnii rhie maa ighe u i re ọse Ọgbaisi. Ọmwaikọmwa ne ọ ma egbe ẹre ọba, ẹ i re ọse Ọgbaisi!”

Iwinna 24:5

Ma miẹn okpia na wẹ, uhunmwu isusu dan nọ. Ọ fian otighi fi avbe Ju egbe la uhunmwu otọ agbọn hia. Ọ keghi vbe re ọkaolotu otu ọkpa ne iran tie eni ẹnrẹn e nazarin.

Hibru 11:36

A ye eso gbe ogiẹ, a gbe iran asan, a keghi munọ eso gbalọ hẹ ku uwu ẹwẹdọ.