Nehimaia 2:15 - Edo Bible (E Baibol Ẹdo) Version 1996

¹⁵ I keghi rhunmwuda ọnii laghe Iya Kidrọn, I na gha hin ekẹtẹkẹtẹ khian, I na gha ghe egbekẹn nii. I keghi la ehe ne I la rre werriegbe ya la Onurho Iya la ore ẹvbo.

Nehimaia 2:15 ပူးပေါင်းရင်းမြစ်များ

II Samuẹl 15:23

Emwa ni lele Devid khian ghi gberra khian, emwa nii hia keghi wee eve. Ọba keghi fian ẹzẹ Kidrọn rra, emwa rẹn keghi vbe fian ẹẹn rra, iran keghi la odẹ ẹgbo.

II Krọnikol 26:9

Uzaia keghi dọlegbe dọlọ odin ne a gbe lẹga e Jerusalẹm yi vbe ne ọ na bọ owa ọkhẹ ne gelete ye Urho Igọgọ, Urho ọkpẹn Iya kevbe ehe ne ekẹn ni ke mu uhunmwu da ehe ọvbehe.

Nehimaia 2:16

A ma miẹn ọkpa vbe uwu iran ni rre asẹ vba ne ọ rẹn ehe ne I ye ra emwi ne I gha ru. Do sẹ ẹghẹ na, I ma he ta ẹmwẹ rhọkpa ma ọmwa rhọkpa vbe uwu avbe Ju ne iho mwa, avbe ohẹn, avbe ọkaolotu, iran ni rre asẹ ra ọmwaikọmwa ne ọ gha mwẹ obọ vbe iwinna nii.

Nehimaia 3:13

E Hanun kevbe iran ni rre Zanoa keghi bọ Onurho Iya. Iran keghi yi ẹkhu ye ihẹ ẹre, iran keghi viọ asigbe kevbe ogba yọ ne a ya khui ẹre, iran keghi vbe dọlọ ekẹn ni yi ya sẹ ibata iyisẹn ekesugie (1,500) rhinrin ya sẹ Onurho Otiku.

Iyẹn ne ọ Maan Ọghe Jọn 18:1

Jesu ghi na erhunmwu na fo nẹ, ọ viọ avbe erhuanegbe mwẹ obọ, iran keghi fian ẹzẹ Kidrọn rra, ogba ọkpa rre evba, Jesu kevbe avbe erhuanegbe ẹre keghi la uwu ẹre.