Nehimaia 2:10 - Edo Bible (E Baibol Ẹdo) Version 1996

¹⁰ Sokpan, e Sanbọlat ne ovbi ẹvbo ne a tie ẹre Bẹt Horọn kevbe Tobaia ne ọ vbe rre asẹ vbe otọ Amọn ghi họn wẹ orhiọnkpa rre ne ọ do ru emwi ne ọ gha ma ivbi Izrẹl egbe, ohu dan kegha mu iran.

Nehimaia 2:10 ပူးပေါင်းရင်းမြစ်များ

Nehimaia 13:1

Ugbẹn vbe iran ghi tie Uhi e Mosis ladian ye emwa nii ehọ, iran keghi sẹ ehe ne a gbẹnnẹ ọẹn yi wẹ ne a ghẹ gie ivbi e Amọn kevbe ivbi e Moab deba emwa Osanobua.

Nehimaia 13:28

Ovbi e Eliasib ne Ogie Ohẹn ọre Joiada gha khin. Sokpan, ọkpa vbe ivbi e Joiada keghi rhie ovbi e Sanbọlat ne ovbi ẹvbo ne a tie ẹre Bẹt Horọn rọnmwẹ. I keghi rhunmwuda ọnii wẹ ne Joiada kpao vbe Jerusalẹm.

Nehimaia 13:4

Ẹghẹ ne ọ taẹn ọ re ohẹn Eliasib ne ọ gbe aro ghe aza Ọgua Osa, kevbe Tobaia gba ya gha ru ọse.

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 4:7

E Sanbọlat, e Tobaia kevbe ivbi Arebia, Amọn kevbe Asdọd keghi họn wẹ ma wa ya nene ekẹn ne a gbe khian; ekẹn e Jerusalẹm, kevbe wẹ, ẹkpo nii rre ekẹn ni, te a ghi do gha gbe ẹe vba egbe, ohu keghi mu iran ẹsẹse.

Nehimaia 6:1

E Sanbọlat, e Tobaia, e Gesiẹm kevbe avbe eghian mwa nekpa keghi họn wẹ ma gbe ekẹn ọlẹga nii fo nẹ, kevbe wẹ ẹkpo i ghi rrọ, a gha rhe miẹn wẹ, a ma he yi ẹkhu ye onurho ni rrọọ.

Nehimaia 6:16

Avbe eghian mwa ni rre ẹvbo ni lẹga ghi họn vberriọ, ekhue keghi mu iran, rhunmwuda, dọmwadẹ ọghọe rẹnrẹn wẹ iyobọ Osanobua ọ re a ya winna iwinna na.

Ẹsta 10:3

E Modekai kegha re ne ọ zẹ diake ọba Kzakzis tobọ ẹre vbe otọe nii. Avbe Ju ne ihua ẹre kegha ya ọghọ ne ẹẹn, iran kevbe gha ho ẹmwẹ ọnrẹn. Ọ keghi kakabọ gha winna ne umamwẹ ọghe emwa ẹnrẹn kevbe ẹkun ne ọ sotọ ọghe ivbi uniẹn iran vbe ẹdẹ ne ọ dee.

Psalm 112:10

Emwa dan miẹn ọn, ohu kegha mu iran, ohu mu iran, egbe emwi hia wọ iran, idaehọ iran wirua fo fẹẹrẹ.

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Itan 30:22

Ọviẹn ne ọ rri ọba, ọzuọ ne ọ miẹn emwi ne ọ khọnrẹn hia gha re,

Asan-Ibo 10:7

I miẹn vbe avbe eviẹn hin ẹsin vbe ne ọdafẹn na ya owẹ mama otọ khian vbe eviẹn ọmwa.

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Jerimaia 41:10

Iyekọnii, ọ keghi viọ avbe ivbi ọba nikhuo oghunmwu, deba avbe emwa ni ghi dekẹe vbe Mizpa, avbe emwa ne Nebuzaradan ne arowa ivbiyokuo viọ ne Gedalaia ne ọ gha gbearoghe. Ismaẹl keghi viọ ehia oghunmwu, ọ na de yan okhian ghe odẹ otọ Amọn.

Jerimaia 48:34

“Ivbi e Hesbọn kevbe Elialẹ tu ladian, a vbe họn urhu utumwẹ iran ya sẹ Jahaz. Emwa ni rre Zoa vbe họn ẹẹn. Avbe họn ẹẹn vbe odẹ Horonaim kevbe Eglat Siẹlisiya. Uhin ighe Ẹzẹ Nimrim tobọẹre kae sẹ otọ.

Jerimaia 48:5

Gha họn vbe iran so asukpẹ eve vbe odẹ ne ọ rrie Luhit; eve akhiẹ, vbe odẹ ne ọ rrie Horonaim.

Iwinna 4:2

Ohu mu iran rhunmwuda ne avbe ukọ na ma avbe emwa ni emwi wẹ Jesu rhiọkpaegbe vbe idin, ọna keghi re emwi ne a ya ta ẹe rhuan wẹ, a gha ye huẹn emwa ni wulo nẹ hin idin rre.

Iwinna 5:24

Ugbẹn vbe ọkaolotu iran ni gbe aro ghe Ọgua Osa kevbe avbe igie ohẹn họn ẹmwẹ na, iro keghi han iran wẹ, vbe iran ghi ru hẹ ighẹ avbe ukọ na?