Nehimaia 13:5 - Edo Bible (E Baibol Ẹdo) Version 1996

⁵ Ọ keghi kue ne Tobaia gha rre ugha nọkhua ne a wẹ ne a viọ avbe ọka imuohan kevbe eturari yi deba avbe emadogua ne a lo vbe Ọgua Osa. Emwi ihaoko ne a viọ gie avbe ohẹn kevbe a ghae ye ihigbe ọghe ọka, ayọn, ofigbọn oliv ne a viọ ne avbe Livai, avbe ikpemaba Ọgua Osa kevbe avbe abodẹ Ọgua Osa.

Nehimaia 13:5 ပူးပေါင်းရင်းမြစ်များ

II Krọnikol 31:11

Iran keghi bọlọ aza ne a viọ emwi yi ye odẹ ne Ọgua Osa ye zẹ vbene ọba we ne iran ru ẹe.

II Krọnikol 34:11

avbe owinna kevbe iran ni bọ owa, ne iran ya dọlọ okuta kevbe erhan, ne iran ya dọlọ owa ni ne avbe ọga e Juda ziengbe ne ẹẹn kẹkẹ ua yi.

Nehimaia 10:36

Emọ ikpia hia ne ima ka gha biẹlẹ, ma gha viọ iran bu ohẹn vbe Ọgua Osa ne a ya iran fi ohan ne Osanobua vbe evba zẹ vbene Uhi kha re. Erriọ ma gha vbe ye ọwẹe ne ẹmila mwa, ke ẹwe mwa kevbe ohuan mwa ka gha biẹlẹ fi ohan.

Nehimaia 10:37

Ma gha mu Igharhuarhua ne a ye amẹ gbe, ne ima ye ọka ne a ka gha fian vbe ugbo mwa rre gie avbe ohẹn, erriọ vbe nọ ne emwi imuohan nekpa, ayọn ofigbọn oliv kevbe avbe ọmọ erhan ne a rhọ re ughughan. Ma gha viọ a ghae ye ihẹ igbe ọghe emwiokọ mwa gie avbe Livai ne ọ koko aghaeyihigbe vbe agọ ne ima na gbe ugbo.

Nehimaia 10:38

Avbe Livai gha koko aghaeyihigbe vbe obọ emwa, avbe ohẹn ni re ivbi uniẹn Errọn ghi mudia ke iran, avbe Livai ghi viọ obọkpa vbe uwu igbe vbe aghaeyihigbe ne iran koko, ye aza vbe Ọgua Osa ne a miẹn gha lo vbe Ọgua Osa.

Nehimaia 12:44

Vbe ẹghẹ nii, a keghi do viọ emwa yọ ne iran gha gbe aro ghe avbe aza ne a viọ emwi ne emwa viọ rrie Ọgua Osa yi, usun avbe aghaeyihigbe kevbe ọka ne a ka fian kevbe ọmọ erhan ne ọ ka vbọ ukpo ukpo. Iwinna iran na vbe nọ ne iran gha miẹn avbe ẹvbo ni sikẹ ugbo nii emwi ne iran viọ gie avbe ohẹn kevbe avbe Livai zẹ vbene Uhi khare. Emwa e Juda keghi gha ta ẹmwẹ avbe ohẹn kevbe Livai ne ọ maa.

Nehimaia 13:7

ọ keghi kue yọ mẹ, I na dọlegbe gha die Jerusalẹm. I ghi sẹ evba udu mwẹ keghi mu waa vbe I miẹn wẹ Eliasib gie Tobaia gha rre ughugha ọkpa vbe Ọgua Osa.

Ezikiẹl 40:38

Vbe ẹghodo ore ne ọ rrọọ a keghi vbe bọ ekherhe te ẹe vbe onurho ne ọ ke uwu ẹre vbe odẹ okuọ. Ọ keghi mu aro da ughugha nọkhua ne ọ mu aro da ẹghodo nii, evba nii ọre iran na kpe ikun avbe aranmwẹ ne a ra giuan vbe ne a ya zọ ese.