Nehimaia 13:3 - Edo Bible (E Baibol Ẹdo) Version 1996

³ Ugbẹn vbe ivbi Izrẹl ghi họn vbe a tie uhi na, iran keghi wannọ avbe erriọvbe hia hin uwu ẹbu iran rre.

Nehimaia 13:3 ပူးပေါင်းရင်းမြစ်များ

Ẹzra 10:11

Banbanna nian, wa miẹn orukhọ uwa kue, ma e Nọyaẹnmwa ne ọ re Osanobua avbe erha odede ne uwa vbe ru emwi ne ọ yẹ ọre. Wa wannegbe hin uwu ẹbu avbe orhunmwuyẹn ni rre otọ ima rre, ne uwa vbe khulo ikhuo orhunmwuyẹn ne uwa viọ re.”

Ẹzra 9:2

Ikpia vbe uwu avbe iran kegha viọ ikhuo ni i re Ju rọnmwẹ rhunmwuda ọnii, emwa ni huanrẹn ọghe Osanobua keghi do gha re ne a ya iruẹn yi. Iran ne ọghọe wa rhia sẹ vbọ kegha re avbe ọkaolotu kevbe iran ni rre asẹ.

Nehimaia 10:28

Ma ne ivbi Izrẹl, avbe ohẹn, avbe Livai, iran ni khẹ Ọgua Osa avbe ikpemaba Ọgua Osa, iran ni winna vbe Ọgua Osa, ke iran nekpa hia, ne a miẹn wẹ, ọ ru vbene Uhi Osanobua khare, ma na wannọ egbe ima hin ehe ne avbe erhunmwuyẹn ni rre otọ ima ye rre, ma, do deba avbe amwẹ ima, deba avbe ivbi ima hia, ni wan sẹ nẹ ne ọ gha na rẹn otọ ẹre.

Psalm 119:11

Mẹ rhie uhi ruẹ ye ekhọe mwẹ, ne I ghẹ miẹn ehe na rukhọ ghe ruẹ.

Psalm 119:9

Vbe igbama gha ya sẹtin ya uyimwẹ ọnrẹn khian nọgbae hẹ? Vbekpa ne ọ na ya uhi ruẹ ru emwi.

Ẹksọdọs 12:38

Emwa nibun ọvbehe deba ohuan nibun, ẹwe kevbe ẹmila kevbe lele iran.

Itan 6:23

Ukpa ne ọ baa ọ re igiodẹ iran khin, vbene iran ya dia ruẹ ye odẹ, gha sẹtin ma ruẹn vbene u gha ya gha yin hẹ.

Nọmbas 11:4

Emiowo keghi wa kakabọ gha khọn avbe erhunmwuyẹn ni lele ivbi Izrẹl khian, avbe ivbi Izrẹl tobọ iran na vbe suẹn gha gui ẹzọ uwunu wẹẹ, “Vbọ rrọọ akpawẹ ma miẹn emiowo re nian!

Ebe ne Pọl gbẹẹn gie emwa Rom 3:20

Ọmwa ne ogha sẹtin la ekpa ighẹ ọ mu nene Uhi sẹ khian ọmwata vbe odaro Osanobua, ẹ i rrọọ. Emwi ne nene Uhi ru ọrọre ne ọ rhie ma ọmwa wẹ re, ọ ru orukhọ.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.