Nehimaia 13:28 - Edo Bible (E Baibol Ẹdo) Version 1996

²⁸ Ovbi e Eliasib ne Ogie Ohẹn ọre Joiada gha khin. Sokpan, ọkpa vbe ivbi e Joiada keghi rhie ovbi e Sanbọlat ne ovbi ẹvbo ne a tie ẹre Bẹt Horọn rọnmwẹ. I keghi rhunmwuda ọnii wẹ ne Joiada kpao vbe Jerusalẹm.

Nehimaia 13:28 ပူးပေါင်းရင်းမြစ်များ

Ẹzra 10:8

A deghẹ a miẹn ọmwa ne ọ ma rre ọ te ya sẹ ikpẹdẹ eha emwi ne ọ mwẹ, hia gha khian ọghe ẹvbo, a ghi vbe kaẹn fua.

Nehimaia 12:10

E Jọsua ọ re ọ biẹ Joiakim, e Joia kim keghi biẹ Eliasib, Eliasib ọ re ọ biẹ Joiada.

Nehimaia 12:22

Vbe ẹghẹ avbe igie ohẹn na ighẹ Eliasib, e Joiada, e Jonatan kevbe Jadua, a keghi gbẹnnẹ eni avbe ekaẹgbẹe uniẹn avbe Livai kevbe ọghe uniẹn avbe ohẹn ye otọ. Ẹghẹ ne Dariọs na gha re ọgbaisi e Pẹsia, ọ re a ghi na gbẹnnẹ ọẹn fo.

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Nehimaia 2:10

Sokpan, e Sanbọlat ne ovbi ẹvbo ne a tie ẹre Bẹt Horọn kevbe Tobaia ne ọ vbe rre asẹ vbe otọ Amọn ghi họn wẹ orhiọnkpa rre ne ọ do ru emwi ne ọ gha ma ivbi Izrẹl egbe, ohu dan kegha mu iran.

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 3:1

Vbene a ya dọlọ ekẹn ne ọ lẹga ẹvbo nii bọ hẹ ọ re ọna khin, Eliasib ne Ogie Ohẹn kevbe ohẹn ne ihua ẹre keghi dọlọ Onurho Ohuan bọ, iran keghi ya ẹe fi ohan iran vbe yi ẹkhu yọ. Iran na ya ekẹn ọnrẹn fi ohan ya sẹ Owa ọkhẹ iran ne iyisẹn kevbe Owa ọkhẹ ọghe Hananẹl.

Nehimaia 4:1

E Sanbọlat ghi họn wẹ ma ne Ju suẹn gha dọlọ ekẹn nii bọ nẹ, ohu dan keghi mu ẹẹn, ọ na suẹn gha ya ima gbe ogiẹ.

Psalm 101:8

Ke ẹdẹ dinna ẹdẹ, mẹ gha fuẹn iran, ighẹ avbe emwa dan ni rre otọe mwa, I gha khulo emwa ọkhọ hia, hin ore nọkhua ọghe Nọyaẹnmwa rre.

Itan 20:26

Te ọba ne ọ wan gualọ ọmwa ne ọ ru emwi dan ladian, ọ gha vbe rri ọre oya vbe ne itohan i na rrọọ.

Itan 20:8

Ọba gha tota gha bu ohiẹn, ọ gha bẹghe emwi dan, te ọ wa rẹn ọnrẹn.