Nehimaia 13:25 - Edo Bible (E Baibol Ẹdo) Version 1996

²⁵ I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Nehimaia 13:25 ပူးပေါင်းရင်းမြစ်များ

II Ọba 2:24

Elaisia keghi fi egbe werriẹ, ọ ghe iran, ọ keghi ya eni e Nọyaẹnmwa rhovbiẹ iran. Ẹre akpakomiza amwẹ eva na ladian vbe uwu oha, iran na yanghan eva yan iyeva vbe uwu ibiẹka ikpia nii.

Ẹzra 10:5

Rhunmwuda ọnii, Ẹzra keghi suẹn ọnrẹn vbene ọ na wẹ ne avbe ọkaolotu avbe ohẹn, e Livai kevbe avbe emwa nekpa, ne iran do vẹn ihẹn wẹ iran gha ru vbene Siekanaia zẹ iro ẹre.

Ẹzra 7:26

Ọmwaikọmwa gha rra uhi Osanobua ruẹ ra uhi otọe arriọba, a ghi wa rri ọre oya ẹgiẹgiẹ, deghẹ te a gha gbe ẹe rua, ra ne a khu ẹe gha rrie iwe, ra ne emwi nọ mwẹ khian ọghe ẹvbo ra ne a mu ẹẹn fi ẹwẹdọ.” Ẹzra Rho Osanobua

Nehimaia 13:11

I keghi gu iran ni rre asẹ gui ne iran na gie emwa fi iyeke gbe ẹmwẹ Ọgua Osa vberriọ. I keghi ya viọ avbe ikpemaba kevbe Livai werriegbe gha die Ọgua Osa, I na wẹ ne iran dọlegbe suẹn iwinna.

Nehimaia 13:17

I keghi gu avbe ọkaolotu e Ju gui, I tama iran wẹẹ, wa ghe emwi dan ne uwa ru, wa gha ru Ẹdẹ Ikẹtin awua.

Nehimaia 13:24

Obọkpa vbe a gha wa ivbi iran ye ihẹ eva kegha zẹ ẹvbo Asdọd ra ẹvbo ọvbehe eso, iran i guara zẹ ẹvbo ima.

Nehimaia 5:13

I keghi ban ọza ne I mu gba ẹkun I na bọnmwẹ ọẹn, I na kha wẹẹ, “Vbe nian ọ re Osanobua ra bọnmwẹ uwa ne ẹ i mu eyan ne uwa yanrẹn sẹ. Osanobua gha miẹn uwa owa kevbe emwi ne uwa mwẹ hia, ẹ i vbe sẹ emwiọkpa rae ne uwa.” Emwa hia ni rre evba keghi kha wẹẹ, “Isẹ.” Iran keghi rho e Nọyaẹnmwa. Avbe ọkaolotu keghi vbe ru vbene iran yan rẹn.

Nehimaia 5:6

I ghi họn ẹzọ ne iran gui, ohu keghi mu mwẹ.

Psalm 119:53

I gha bẹghe avbe emwa dan vbe iran rra uhi ruẹ ohu ghi gha mu mwẹ sọsọsọ.

Psalm 15:4

Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

Ẹksọdọs 34:16

Ivbi uwa sẹtin viọ ivbi iran nikhuo rọnmwẹ, iran gha ya iran fi iyeke gbe mwẹ, iran gha gho ẹbọ iran.

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Aizaia 50:6

I bannọ iyeke mwẹ yotọ ne iran ni gbe mwẹ, iran rhovbiẹ mwẹ, I ma gbe eta ye iran unu ẹghẹ nii iran na gha vbọlọ mwẹ eto ne uhunmwu iran na tulo asẹn yọmwẹ aro.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Diuteronomi 7:3

Wa ghẹ rhie ivbi iran rọnmwẹ ra ne ivbi uwa vbe rọnmwẹ iran.

Jọsua 23:12

A deghẹ wa ghi werriegbe wa na ya ke egbe uwa ba avbe ẹvbo nii ne a sẹrae ye uwu ẹbu uwa, wa na ya gha rọnmwẹ egbe.