Nehimaia 13:22 - Edo Bible (E Baibol Ẹdo) Version 1996

²² I keghi tama avbe Livai wẹ ne iran họnmwẹ egbe ne iran ya gha khẹ Urho, ne iran miẹn wẹ a ma ru Ẹdẹ Ikẹtin awua. Osanobua vbe ye mwẹ rre vbe ọnọna, ne u vbe fan mwẹ ye otọ rhunmwuda ahọ ẹmwẹ ọmwa ruẹn.

Nehimaia 13:22 ပူးပေါင်းရင်းမြစ်များ

II Ọba 20:3

“E Nọyaẹnmwa, yerre, ekhọekekhọe mwẹ ọ re I ya ye ẹkoata gha gaa kevbe wẹ, ẹghẹ hia ọ re I ya gha hia ne I ru emwi ne u rhirhi a wẹ ne I ru.” Ọ keghi suẹn gha viẹ eve orriara.

II Ọba 23:4

Ẹre Josaia na khama Ogie Ohẹn ighẹ Hilkaia, kevbe avbe ohẹn ni yi ọre obọ, kevbe avbe iran ni khẹ onurho Ọgua Osa, ne iran viọ emwi hia ne a ya gho e Bal ladian vbe uwu Ọgua Osa, ọghe Asiẹrra ne ẹbọ ne okhuo, kevbe ọghe avbe orhọnmwẹ. Ọba keghi viọ avbe emwi na ladian ore ẹvbo ya giẹn ehia a vbe ọkpẹn Iya Kidrọn, ọ na wẹ ne a kpolo emuẹn ọnrẹn gha rrie Bẹtẹl.

II Krọnikol 29:24

Ẹre avbe ohẹn na gbele avbe ẹwe nii, iran na hihiẹ esagiẹn iran ye Ogiukpo zẹ vbe izọese ne a ya hẹ orukhọ emwa ni gha rrie, rhunmwuda, ọba tae nẹ wẹ ne a zọ ese ne a giẹn uan kevbe ese orukhọ ne Izrẹl hia.

II Krọnikol 29:27

Ẹre Hẹzekaia na wẹ ne a viọ avbe nene ese ne a giẹn uan rre, ese ne a zọ ghi suẹn, avbe emwa nii kegha so ihuan urhomwẹ ghe Nọyaẹnmwa, iran ni kpe emwi ihuan keghi suẹn gha kpe okpe kevbe emwi ihuan ni dekẹe.

II Krọnikol 29:30

Ọba kevbe avbe iran ne ọkaolotu ẹvbo nii keghi tama avbe Livai ne iran so ihuan urhomwẹ ne Devid kevbe Asaf ne akhasẹ gbẹnnẹ, ghe Nọyaẹnmwa. Emwa hia keghi ye ẹko rhiẹnrhiẹn mwẹ gha so ihuan ghe Nọyaẹnmwa vbe ehe ne iran na diguẹ nii, iran na ga Osanobua.

Nehimaia 12:10

E Jọsua ọ re ọ biẹ Joiakim, e Joia kim keghi biẹ Eliasib, Eliasib ọ re ọ biẹ Joiada.

Nehimaia 12:30

Avbe ohẹn kevbe avbe Livai keghi ya egbe iran ye ulamwẹ ihọnmwegbe, kevbe ne emwa ni, avbe onurho kevbe ekẹn ẹvbo ni.

Nehimaia 13:14

Osanobua mwẹ, ghẹ mianmian emwi ne I ru ne Ọgua Osa ruẹ na. Kevbe ugamwẹ ọnrẹn.

Nehimaia 13:31

I keghi mwamwa ẹn wẹ ne iran gha ho erhan ne a ya giẹn emwi izọ ese rre vbe ẹghẹ, kevbe wẹ ne emwi ni gha viọ emwi imuohan ọghe ọka ne a ka fian kevbe ọmọ erhan ne ọ ka vbọ rre. Ye ena hia rre Osanobua, ne u san mwẹ ẹse ẹre.

Nehimaia 5:19

Osanobua, lahọ, u ghi ye mwẹ rre vbe ne ọ maa, vbe ekpa emwi hia ne I ru ne avbe emwa na.

Psalm 130:7

Izrẹl, wa mu ẹtin yan e Nọyaẹnmwa, rhunmwuda, aho ẹre i fiwerriẹ, ọ vbe mu egbe ne ọ ya miẹn ọmwa fan vbe ẹghẹ hia.

Psalm 5:7

Sokpan, rhunmwuda ahoẹmwọmwa ruẹn nọkhua, mẹ gha sẹtin gha die uwu owa ruẹ. I gha sẹtin ga, vbe uwu ọgua Osa ruẹ ne ọ huanrẹn, mẹ ghi vbe ya ọghọ ghughẹrre nuẹn.

Psalm 51:1

Tohan mwẹ Osanobua rhunmwuda ahoẹmwọmwa ruẹn ne ẹ i beghe rhunmwuda itohan ruẹn ne ọ kpolo khiẹn orukhọ mwẹ nibun hin rre.

Aizaia 38:3

“Yerre Nọyaẹnmwa wẹ, ekhọe mwẹ hia ọ re I ya ga a vbe ne a i na ru ero. Kevbe wẹ te I wa hia ne I ru vbene u ho ne I ru vbe ẹghẹ hia.” Ọ keghi viẹ ua ghẹghẹghẹ.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

Diuteronomi 5:12

“ ‘Gha zẹ Ẹdẹ ikẹtin kọ ne u ya fi ohan mẹ zẹ vbe ne imẹ ne Nọyaẹnmwa Osanobua ruẹ tama ruẹn.