Nehimaia 13:19 - Edo Bible (E Baibol Ẹdo) Version 1996

¹⁹ Rhunmwuda ọnii, ọ re I na yi iyi wẹ ne a gha khui urho ne a la la ore ẹvbo vbe omuhẹn Ẹdẹ ikẹtin hia, vbe ebi a wa da suẹn gha ro, kevbe wẹ ne a ghẹ dọlegbe kie ẹre ọvbehe ọ te ya sẹ ẹghẹ ne Ẹdẹ Ikẹtin ya gberra. I keghi viọ eso vbe uwu emwa mwẹ wẹ ne iran ghẹ gia viọ emwi la ore ẹvbo vbe Ẹdẹ Ikẹtin.

Nehimaia 13:19 ပူးပေါင်းရင်းမြစ်များ

Nehimaia 13:20

Uhukpa ra igbaeva, avbe ekpatẹ ni khiẹn emwi atẹ ughughan keghi vbiẹ ọkpẹn ekẹn ne a gbe lẹga ẹvbo vbe ẹdẹ e Fraide.

Nehimaia 7:3

I keghi tama iran wẹ ẹdẹ ma wan nẹ fẹẹrẹ, ne iran ghẹ gha kie urho e Jerusalẹm vbe owiẹ, kevbe wẹ, avbe iran ni khẹ odẹ te kpao vbe ota, a ghi khui ẹre, a ghi viọ avbe ogba ẹre kọ ẹe. I keghi vbe tama iran wẹ uwu emwa ni rre Jerusalẹm ọ re iran gha na zẹlẹ emwa ni khẹ odẹ, a ghi wa vbe rhie ehe ne dọmwadẹ ọghọe gha khẹ ne ẹẹn, kevbe nekpa, ne iran ya gha gbe ọrrẹrrẹ lẹga owa iran.

Levitikọs 23:22

Wa gha rhọ emwi okọ ne ugbo rua, wa ghẹ wa rhọ ẹre sẹ ọkhioha, ra ne uwa vbe werriegbe ya gbe ẹre ọrriẹ, wa sẹ enii rae ne ivbiogue kevbe avbe orhunmwuyẹn. E Nọyaẹnmwa ọrọre Osanobua rua.

Levitikọs 23:32

Ke ẹghẹ ne ovẹn ya dero vbe ikpẹdẹ ne ogihinrin yasẹ ẹghẹ ne ọ ya dero vbe ikpẹdẹ ne ogigbe wa ghi da ẹdẹ nii yi zẹ vbe ẹdẹ kpataki ne a ya kẹtin, vbe ẹghẹ na, wa ghẹ rri evbare rhọkpa.

Iyẹn ne ọ Maan Ọghe Jọn 5:10

Ẹdẹ Ikẹtin ọre emwi na na sunu. Ẹ re ivbi Eju na tama ọmwa ne a sinmwi nii wẹẹ, “Ẹdẹ Ikẹtin ọ na khin. Uhi ima ma fan obọ ẹre nuẹn ne u mu ewa ruẹ.”