Nehimaia 13:17 - Edo Bible (E Baibol Ẹdo) Version 1996

¹⁷ I keghi gu avbe ọkaolotu e Ju gui, I tama iran wẹẹ, wa ghe emwi dan ne uwa ru, wa gha ru Ẹdẹ Ikẹtin awua.

Nehimaia 13:17 ပူးပေါင်းရင်းမြစ်များ

Nehimaia 13:11

I keghi gu iran ni rre asẹ gui ne iran na gie emwa fi iyeke gbe ẹmwẹ Ọgua Osa vberriọ. I keghi ya viọ avbe ikpemaba kevbe Livai werriegbe gha die Ọgua Osa, I na wẹ ne iran dọlegbe suẹn iwinna.

Nehimaia 13:16

Emwa eso ni ke Taia rre kegha rre Jerusalẹm. Iran viọ ehẹn kevbe emwi atẹ ọvbehe ni bun rre, ne iran do khiẹn ne emwa ima vbe Ẹdẹ Ikẹtin.

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Nehimaia 5:7

I keghi ta ku avbe ọkaolotu kevbe iran ni rre ukpo vbe uwu iran, I na tama iran wẹẹ, “Wa ghẹ zẹ etẹn uwa kpokpo.” I keghi tie iko ọgbakha ne iran do guan ye ẹmwẹ na,

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Aizaia 1:10

E Jerusalẹm te avbe iran ni khaemwisẹ yan ruẹn kevbe avbe emwa ruẹn yevbe ọghe Sọdom kevbe Gomorra. Danmwehọ ẹmwẹ ne Nọyaẹnmwa wa tama ruẹn nian. Rhie ehọ ye emwi ne Osanobua mwa ma ruẹn re na.

Jerimaia 13:18

E Nọyaẹnmwa keghi tama mwẹ wẹẹ, “Tama ọba ke ẹe kevbe iye ẹe wẹ ne iran tuorre vbe ẹkete gha die otọ rhunmwuda, ẹde iran ne mose mose dele hin iran uhunmwu rre nẹ.

Jerimaia 5:5

I gha ya iwegbe bu iran na gha khian, ne I ya gu iran guan. Vbe ne ẹmwata, iran rẹn emwi ne Osanobua iran ho. Emwi ne Nọyaẹnmwa ho ne iran ru.” Sokpan iran hia ọ re ọ wa he ne iran gha rre ototọ asẹ e Nọyaẹnmwa, iran he ne iran họn ẹmwẹ ne ẹẹn.

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Levitikọs 19:17

“Ghẹ mwẹ irhiaẹko ghe ọmwarhọkpa, sokpan guẹe dọlọ kugbe ne u ghẹ ya la ekpa ẹre mu orukhọ.

Maika 3:1

Wa danmwehọ, wa ni khaemwisẹ yan Izrẹl! Te ọ te kei ne uwa mu aro yọ ne a gha bu ohiẹn ẹmwata.

Maika 3:9

Wa danmwehọ, wa ni khaemwisẹ yan Izrẹl, wa ni khuiwu ohiẹn ẹmwata, ne uwa na vbe ya emwi ne ọ gbae khian ne ọ ma gba.