Nehimaia 13:15 - Edo Bible (E Baibol Ẹdo) Version 1996

¹⁵ Vbe ẹghẹ nii, I keghi miẹn emwa Juda vbe iran minọ alimo vbe Ẹdẹ Ikẹtin. Eso ọvbehe kegha kun ihẹ ọka, ayọn alimo, ọmọ ohọ kevbe ọvbehe yan ekẹtẹkẹtẹ iran ne iran viọ rrie Jerusalẹm. I keghi ya obọ sekhae ne iran wẹ ne iran ghẹ khiẹn emwi vbe Ẹdẹ Ikẹtin.

Nehimaia 13:15 ပူးပေါင်းရင်းမြစ်များ

II Krọnikol 24:19

E Nọyaẹnmwa keghi gie avbe akhasẹ ne iran yan ma iran wẹ ne iran dọlegbe bu irẹn gha dee, sokpan emwa ni ma danmwehọ.

Nehimaia 10:31

Avbe orhunmwuyẹn gha mu ọka ra emwi ọvbehe gie ima dẹ vbe ẹdẹ ikẹtin ra vbe ẹdẹ iruemwi ọvbehe ma i ra dẹ. Ukpo ne ọ ya gba vbe ihinrọn hia, ma i ra gbe ugbo vbe otọe na, ma ghi vbe ya osa ma emwa hia ni rri osa.

Nehimaia 10:32

Ukpukpo ma gha zẹ obọ ọkpa vbe a gha uwan ne kherhe ọghe esiliva ye ihẹ erẹnrẹn, ne a miẹn ya gha ha osa emwi ne a lo vbe Ọgua Osa.

Nehimaia 13:16

Emwa eso ni ke Taia rre kegha rre Jerusalẹm. Iran viọ ehẹn kevbe emwi atẹ ọvbehe ni bun rre, ne iran do khiẹn ne emwa ima vbe Ẹdẹ Ikẹtin.

Nehimaia 13:21

I keghi ye obọ sekhae ne iran wẹẹ, “Wa ghẹ zẹdẹ mudia ye evba gha khẹ ne ẹdẹ gbe wa gha ye danmwẹ emwi na, I gha ye obọ ne ọ tọn mu uwa.” Ke ẹdẹ ne ẹdẹrriọ kpao, iran ma ghi rre vbe Ẹdẹ Ikẹtin.

Nehimaia 9:29

U yan ma iran, ne iran gha ya emwi ne u ma iran ẹre yin, sokpan vbe uwu uhiomwẹ iran fi iyeke gbe uhi ruẹ, a gha rhe miẹn wẹ a rhie Uhi ruẹ lẹre ọkpa ọre uhunmwu agbọn ne ọ maa ye uhunmwu ibiba, kevbe ni ze vbe udu, iran he ne iran ya ẹe ru emwi.

Job 39:12

Te u khẹ ọre ne ọ do viọ emwi orhọ ruẹ gha die owa ra, ra ne ọ do viọ ọka ruẹ hin ehe ne u na wiẹn ọka rre?

Psalm 50:7

“Wa danmwehọ, wa ne emwa mwẹ I gha guan, I gha sẹ osẹ gbe uwa Izrẹl, mẹ ọrọre Osanobua Osanobua uwa.

Ẹksọdọs 31:12

E Nọyaẹnmwa keghi tama e Mosis wẹẹ,

Ẹksọdọs 31:16

Te ivbi Izrẹl gha zẹ Ẹdẹ Ikẹtin kọ, zẹ vbe ama Ile ne a ta ẹe.

Ẹksọdọs 34:21

“Ikpẹdẹ ehan wa gha ya gha winna sokpan wa ghẹ winna vbe ikpẹdẹ ne ogihinrọn, ọre ẹghẹ egua nọ ra ẹghẹ akọrhọre.

Ẹksọdọs 35:2

Ẹdẹ ehan ọre uwa gha ya gha winna sokpan ẹdẹ ne ogihinrọn ghi gha re Ẹdẹ Ikẹtin ne ọ huanrẹn ne uwa, Ẹdẹ ọghe Ikẹtin ne a ya fiohan ne ime ne Nọyaẹnmwa. Ọmwaikọmwa ne ọ winna ẹn ẹdẹrriọ, a gha gbe ẹe rua.

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Jerimaia 17:24

“Tama avbe emwa na ne iran gha ye uhi mwẹ hia ru emwi. Iran ghẹ mu ihẹikeihẹ la onurho ẹvbo nii la owa vbe Ẹdẹ Ikẹtin. Iran ghi gha ru Ẹdẹ Ikẹtin ẹdẹ nọhuanrẹn, iran ghẹ vbe winna iwinna rhọkpa hiehiere.

Jerimaia 17:27

“Sokpan, te ọ kere ne iran gha họn ẹmwẹ mẹ, ne iran gha ru Ẹdẹ Ikẹtin zẹ vbe ẹdẹ nọhuanrẹn. Iran ghẹ mu ihẹikeikẹ la onurho e Jerusalẹm gberra vbe ẹdẹ vberriọ, iran gha danmwẹ ọẹn, I gha mu erhẹn ye onurho e Jerusalẹm. Erhẹn gha giẹn ẹguae ne ọ rre Jerusalẹm, ai ra vbe miẹn ọmwa ne ọ gha sẹtin dọ ẹre yọ.”

Jerimaia 42:19

Ọre I na rhie te ẹe wẹẹ, “E Nọyaẹnmwa tama uwa na ne ọ ghi kẹe vbe Juda wẹ ne uwa ghẹ dọlegbe gha rrie Igipt. Rhunmwuda ọnii nian, I tama uwa yotọ nẹ o.

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Emọs 8:5

Wa ghi gha tama egbe wẹẹ, “Ma gha sẹtin mudia ne irhiẹdẹ fo nẹ ma keghi ya gha khiẹnnẹ avbe ọka ima? De ẹghẹ ne Ẹdẹ Ikẹtin ra ya gberra yi ne ima miẹn ehe na suẹn emwi gha khiẹn? Ẹghẹ nii, ma ghi fian yan emwi hia, ma ghi gha ya omwa ne ọ ma gba mwa emwi, ma ghi mu esike ye vbene ọ gha ya mu emwa ni gu ima dẹlẹ emwi ru.

Maika 6:3

E Nọyaẹnmwa khare wẹẹ, “Wa ne emwa mwẹ, de emwi ne I ru uwa re. Vbe I ya khian uwa ihẹ hẹ yi? Wa zẹ mwẹ wanniẹn mwẹ.

Iwinna 2:40

Pita keghi kakabọ gu iran guan, ọ keghi ya ẹmwẹ ni bun bu iran ude wẹẹ, ne iran rhie uhunmwu iran lẹre hin ikhi ne a ra do rria emwa dan na re.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Galatia 5:3

I ho ne I tua unu mu ẹmwẹ na, ne I vbe dọlegbe ta ẹe ma ọmwa ne ọ kue ne a rhuẹ ọre, te ọ khẹ ke ẹe ne ọ wa gha ru emwi hia ne nene Uhi khare.

Ẹfisọs 4:17

Rhunmwuda ọnii, eni Nọyaẹnmwa ọre I ya ta ẹmwẹ na, te I wa vbe tua unu muẹn wẹ, wa ghẹ gha ru vbene avbe iran ne enigẹbọ ru, emwa ne iziro ekhọe iran i mwẹ esa ne ọ ye.

Diuteronomi 8:19

Wa ghẹ ya mu aro da ẹbọ ọvbehe gha gho, ra ne uwa gha ga iran vbene uwa na mianmian e Nọyaẹnmwa Osanobua rua. Wa gha danmwẹ ọẹn, ne I tama uwa ẹrẹna wẹ ta a ra fuẹn uwa a.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.