Nehimaia 13:14 - Edo Bible (E Baibol Ẹdo) Version 1996

¹⁴ Osanobua mwẹ, ghẹ mianmian emwi ne I ru ne Ọgua Osa ruẹ na. Kevbe ugamwẹ ọnrẹn.

Nehimaia 13:14 ပူးပေါင်းရင်းမြစ်များ

II Ọba 20:3

“E Nọyaẹnmwa, yerre, ekhọekekhọe mwẹ ọ re I ya ye ẹkoata gha gaa kevbe wẹ, ẹghẹ hia ọ re I ya gha hia ne I ru emwi ne u rhirhi a wẹ ne I ru.” Ọ keghi suẹn gha viẹ eve orriara.

I Krọnikol 29:3

Yevbe deyan ena hia ne a mu egbe ẹre ye otọ na, I kevbe viọ avbe igoru kevbe esiliva ọghe obọ mwẹ ladian rhunmwuda vbene iho ẹmwẹ Ọgua Osa ọghe Osanobua hẹ.

II Krọnikol 24:16

Iran keghi re ẹre ye idin avbe ọba vbe Ẹvbo e Devid ne a ya rhie ma iwinna ne ọ winnaẹn ne ivbi Izrẹl, ne Osanobua kevbe Ọgua Osa.

Ẹzra 7:20

Avbe emwi ọvbehe hia ne uwa ghi gualọ vbe Ọgua Osa, wa ghi ya viọ vbe aza ẹguae.

Ẹzra 7:24

Ghẹ koko igho uhunmwu vbe obọ avbe ohẹn ra avbe Livai, ikpemaba, iran ni khẹ odẹ, iran ni winna, ra ọmwaikọmwa ne ọ ghi mwẹ emwi ne ọ ru nẹ vbe Ọgua Osa.

Ẹzra 7:27

Ẹzra keghi kha wẹẹ, “Wa rho e Nọyaẹnmwa ne Osanobua avbe erha mwẹ odede. Ọ ru ẹe ne ọgbaisi ya ọghọ ne Ọgua Osa e Nọyaẹnmwa ne ọ rre Jerusalẹm vbenian.

Nehimaia 13:22

I keghi tama avbe Livai wẹ ne iran họnmwẹ egbe ne iran ya gha khẹ Urho, ne iran miẹn wẹ a ma ru Ẹdẹ Ikẹtin awua. Osanobua vbe ye mwẹ rre vbe ọnọna, ne u vbe fan mwẹ ye otọ rhunmwuda ahọ ẹmwẹ ọmwa ruẹn.

Nehimaia 13:31

I keghi mwamwa ẹn wẹ ne iran gha ho erhan ne a ya giẹn emwi izọ ese rre vbe ẹghẹ, kevbe wẹ ne emwi ni gha viọ emwi imuohan ọghe ọka ne a ka fian kevbe ọmọ erhan ne ọ ka vbọ rre. Ye ena hia rre Osanobua, ne u san mwẹ ẹse ẹre.

Nehimaia 5:19

Osanobua, lahọ, u ghi ye mwẹ rre vbe ne ọ maa, vbe ekpa emwi hia ne I ru ne avbe emwa na.

Aizaia 38:3

“Yerre Nọyaẹnmwa wẹ, ekhọe mwẹ hia ọ re I ya ga a vbe ne a i na ru ero. Kevbe wẹ te I wa hia ne I ru vbene u ho ne I ru vbe ẹghẹ hia.” Ọ keghi viẹ ua ghẹghẹghẹ.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.

Arhie Maan 3:5

Iran ni khọnmiotọ nẹ, erriọ ọre a ra yọ iran ukpọn nọ fua. Mẹ i ra vbe khiẹn eni iran hin ebe emwa ni ma wu rre. Vbe odaro Erha mwẹ kevbe avbe odibo ẹre, I ghi miẹn kue wẹ emwa mwẹ ọre iran khin.