Nehimaia 13:13 - Edo Bible (E Baibol Ẹdo) Version 1996

¹³ I keghi viọ avbe emwa na yọ ne iran gha gbe aro ghe avbe aza: e Sielemia ne ohẹn, e Zadọk ne ọ rẹn Uhi dinmwi kevbe Pedaia ne Livai, e Hanan ne ovbi e Zakọ ne ọ vbe re eyẹ e Matanaia, ne ọ gha ru iyohọ ne iran. I rẹnrẹn wẹ I gha sẹtin muẹtinyan avbe emwa na wẹ iran gha ye ekhọe ẹmwata ghae emwi ne a hẹ rre gba ihua iran ne iran gba winna obọ.

Nehimaia 13:13 ပူးပေါင်းရင်းမြစ်များ

II Ọba 12:15

Emwa ni gha dọlọ ẹe yi, keghi wa gha re emwa ni i gbe emwi rhu, rhunmwuda ọnii, a ma ghi vbe gha tie iran ne iran do gha kha vbene iran lo igho hẹ.

II Ọba 12:16

Igho ne a hae ye ahaewerriegbe izẹọhẹ, kevbe izẹọhẹ ọghe orukhọ ne a ru, a ma viọ enii ye uwu ẹkpẹti, avbe ohẹn ọ re ọ yan eni.

II Ọba 22:7

Iran ni winna iwinna na kegha re emwa ni mwẹ ekhọe esi rhunmwuda ọnii, a i vbe zẹdẹ tie iran ne iran do kha vbene iran lo igho hẹ.”

Nehimaia 10:38

Avbe Livai gha koko aghaeyihigbe vbe obọ emwa, avbe ohẹn ni re ivbi uniẹn Errọn ghi mudia ke iran, avbe Livai ghi viọ obọkpa vbe uwu igbe vbe aghaeyihigbe ne iran koko, ye aza vbe Ọgua Osa ne a miẹn gha lo vbe Ọgua Osa.

Nehimaia 11:22

Ọmwa ne ọ gbearoghe avbe Livai vbe iwinna, ne ọ gha rre Jerusalẹm vbọ kegha re Uzai ne ovbi e Bani, ne ọ vbe re eyẹ e Hasiabaia. Usun avbe erha ẹe odede ọ re iran ye ighẹ Matanaia kevbe Mika, ọ kevbe gha re ovbi ẹwae Asaf, ẹwae ne a mu ẹmwẹ emaba vbe ẹzi kẹn ne a kpe vbe ugamwẹ Ọgua Osa ye ọre obọ.

Nehimaia 12:44

Vbe ẹghẹ nii, a keghi do viọ emwa yọ ne iran gha gbe aro ghe avbe aza ne a viọ emwi ne emwa viọ rrie Ọgua Osa yi, usun avbe aghaeyihigbe kevbe ọka ne a ka fian kevbe ọmọ erhan ne ọ ka vbọ ukpo ukpo. Iwinna iran na vbe nọ ne iran gha miẹn avbe ẹvbo ni sikẹ ugbo nii emwi ne iran viọ gie avbe ohẹn kevbe avbe Livai zẹ vbene Uhi khare. Emwa e Juda keghi gha ta ẹmwẹ avbe ohẹn kevbe Livai ne ọ maa.

Nehimaia 3:30

E Hananaia ne ovbi e Sielemia, kevbe Hanun ne ovbi e Zalaf ne ukpogiehan, bọ ako ne ọ lele ẹe, ọna ọ re ne ukpogieva ne ọ bọe. E Mẹsiulam ne ovbi e Berakia keghi bọ ako ne ọ lele ẹe, ne ọ wa rre odaro owa ẹre.

Nehimaia 7:2

I keghi viọ arhin eva yọ ne iran gha khaemwisẹ yan Jerusalẹm, iran na kegha re ọtẹn mwẹ ne okpia ighẹ Hanani kevbe Hananaia ne ọkaokuo ne ọ gbearoghe odin ikhẹgbe. E Hananaia kegha re ọmwa ne ọ gie a muẹtinyan kevbe ne ọ vbe mu ohan Osanobua ne a i vbe miẹn egbọre ọvbehe.

Nehimaia 8:4

Ẹzra keghi mudia yan ekpatako ne a kan yo ghe ukhunmwu khẹ emwi na. Avbe ikpia na keghi mudia ye ọre oberhọmwa: e Matitaia, e Siẹma, Anaia, Uraia, e Hilkaia kevbe Maaseia. Iran na kevbe mudia ye ọre obọ iye ọmwa: e Pedaia, e Misiaẹl, e Malkija, e Hasium, e Hasbadana, e Zẹkaraia kevbe Mẹsiulam.

Iyẹn ne ọ Maan Ọghe Luk 12:42

Nọyaẹnmwa wanniẹn wẹ, “Gha ọre ọguọmwadia ne ekhọe esi kevbe ne ọ waan? Rẹn ọrọre ọmwa ni ne arowa ẹre mu owa nẹẹn gha su, ne ovbe gha ghae evbare ne eguọmwadia ne kpa vbe ẹghẹ a sẹ.

Iwinna 4:35

Iran na gha viọ igho ne iran miẹn vbọ gie avbe ukọ, iran ghi vbe gha igho ni gba emwa hia obọ, vbe ne ọ gha sẹ iran lo.

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Iwinna 6:3

Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

I Kọrinti 4:2

Emwi ọkpa ne a ho vbe obọ ọmwa ne a rhie emwi nẹẹn dayi ọrọre wẹẹ, ne ọ gha re ọmwa ne ọ gie arowa ẹre mu ẹtin yan.

I Timoti 1:12

I kpọnmwẹ Kristi Jesu Nọyaẹnmwa, ọmwa ne ọ rhie ẹtin mẹ ya winna iwinna mwẹ. I kpọnmwẹ ọẹn ye ne ọ na ka mwẹ ye ọmwa ne ọ kere, ọ keghi zẹ mwẹ yọ wẹ ne I gha ga irẹn.

I Timoti 3:10

A ghi ka danmwẹ iran ghe nẹ, a deghẹ iran ma rri edanmwẹ, iran ghi gha winna.