Nehimaia 13:11 - Edo Bible (E Baibol Ẹdo) Version 1996

¹¹ I keghi gu iran ni rre asẹ gui ne iran na gie emwa fi iyeke gbe ẹmwẹ Ọgua Osa vberriọ. I keghi ya viọ avbe ikpemaba kevbe Livai werriegbe gha die Ọgua Osa, I na wẹ ne iran dọlegbe suẹn iwinna.

Nehimaia 13:11 ပူးပေါင်းရင်းမြစ်များ

Nehimaia 10:39

Ivbi Izrẹl kevbe avbe Livai ghi viọ emwi ne emwa zẹe nii ighẹ ọka, ayọn, kevbe ofigbọn oliv gha rrie uwu aza ne a viọ avbe ọkpan ne a lo vbe Ọgua Osa yi, ehe ne iran vbe dia ighẹ avbe ohẹn ne iwinna sẹ ọre egbe vbe Ọgua Osa kevbe avbe iran ni khẹ Ọgua Osa kevbe avbe iran ni so ihuan vbe Ọgua Osa.

Nehimaia 13:17

I keghi gu avbe ọkaolotu e Ju gui, I tama iran wẹẹ, wa ghe emwi dan ne uwa ru, wa gha ru Ẹdẹ Ikẹtin awua.

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Job 31:34

Ohan ẹmwẹ ne emwa gha ta ma he mu mwẹ ẹdẹ, I ma he hunwan ẹdẹ ra ne I khui egbe ye owa, rhunmwuda ighẹ ohan ogie iran mu mwẹ.

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

I Samuẹl 2:17

Orukhọ avbe ivbi Elai na keghi re emwi ne ọ wegbe vbe aro e Nọyaẹnmwa rhunmwuda obọ oya ne iran ya gha mu avbe emwi ne a ya zọ ese ghe Nọyaẹnmwa.