Nehimaia 13:10 - Edo Bible (E Baibol Ẹdo) Version 1996

¹⁰ I keghi vbe họn wẹ avbe ikpemaba Ọgua Osa kevbe avbe Livai kpao vbe Ọgua Osa rre gha rrie ugbo iran rhunmwuda avbe emwa ni ma ghi viọ emwi ne ọ gha sẹ iran gha re rre.

Nehimaia 13:10 ပူးပေါင်းရင်းမြစ်များ

II Krọnikol 31:4

Ye vbe deba ọnii, ọba keghi wẹ ne avbe emwa gha viọ emwi ihaoko ne ọ khẹke avbe ohẹn kevbe Livai rre, ne iran miẹn ehe na wa rhie egbe ye ẹmwẹ emwi ne Uhi e Nọyaẹnmwa wẹ ne a gha ru.

Nehimaia 10:37

Ma gha mu Igharhuarhua ne a ye amẹ gbe, ne ima ye ọka ne a ka gha fian vbe ugbo mwa rre gie avbe ohẹn, erriọ vbe nọ ne emwi imuohan nekpa, ayọn ofigbọn oliv kevbe avbe ọmọ erhan ne a rhọ re ughughan. Ma gha viọ a ghae ye ihẹ igbe ọghe emwiokọ mwa gie avbe Livai ne ọ koko aghaeyihigbe vbe agọ ne ima na gbe ugbo.

Nehimaia 10:39

Ivbi Izrẹl kevbe avbe Livai ghi viọ emwi ne emwa zẹe nii ighẹ ọka, ayọn, kevbe ofigbọn oliv gha rrie uwu aza ne a viọ avbe ọkpan ne a lo vbe Ọgua Osa yi, ehe ne iran vbe dia ighẹ avbe ohẹn ne iwinna sẹ ọre egbe vbe Ọgua Osa kevbe avbe iran ni khẹ Ọgua Osa kevbe avbe iran ni so ihuan vbe Ọgua Osa.

Nehimaia 12:47

Vbe ẹghẹ e Zerubabẹl kevbe ẹghẹ Nehimaia, te ivbi Izrẹl hia gha zọhẹ ẹdẹgbegbe ne a miẹn ya gha gaga avbe ọsian kevbe abodẹ Ọgua Osa. Avbe emwa ni ghi gha zẹ ọhẹ iruemwi gie avbe Livai, avbe Livai ghi vbe viọ inu ne a mwamwa ẹn yi gie avbe ohẹn.

Aizaia 43:23

Wa ma viọ ese ohuan ne a giẹn uan ọghe uwa gunmwẹ, wa ma ye ese uwa ye ọghọ mẹ. I ma nọ ese ne azọ, ya mu ẹsọn ne uwa gha miẹn ra ne I ya ẹmwẹ eturari ne I nọ, wọ uwa egbe.

Malakai 3:8

Wa dọlegbe bu mwẹ gha dee mẹ gha bu uwa gha dee. Sokpan wa nọ rẹn wẹẹ, “De emwi ne ima gha ru ya dọlegbe bu ruẹ gha dee?” I nọ uwa nian, “Ọ kere ne ọmwa gha mu Osanobua ru ra?” Wa rẹnrẹn wẹ ọ ma kei, sevba, wa gha mu mwẹ ru. Wa nọ rẹn wẹẹ, “Odẹ vbo?” Vbe ẹmwẹ a ghae ye ihe ighe kevbe imuohan.

Nọmbas 35:2

“Tama ivbi Izrẹl wẹ ne iran mu ẹvbo eso ne avbe Livai dia deba otọ ne aranmwẹ na rria eso lẹga ẹvbo nii.

Diuteronomi 12:19

Inu ẹghẹ ne uwa gha ya vbe otọe uwa, wa ghẹ mianmian avbe Livai.