Nehimaia 13:1 - Edo Bible (E Baibol Ẹdo) Version 1996

¹ Ugbẹn vbe iran ghi tie Uhi e Mosis ladian ye emwa nii ehọ, iran keghi sẹ ehe ne a gbẹnnẹ ọẹn yi wẹ ne a ghẹ gie ivbi e Amọn kevbe ivbi e Moab deba emwa Osanobua.

Nehimaia 13:1 ပူးပေါင်းရင်းမြစ်များ

II Ọba 23:2

Iran hia keghi gha rrie Ọgua Osa, vbe ne avbe ohẹn na lele iran kevbe avbe akhasẹ deba emwa nekpa hia fẹẹrẹ kevbe avbe ọdafẹn kevbe ivbiogue. Ọba keghi tie ẹre ye iran hia ehọ ighẹ ebe ile nii ne a miẹn vbe Ọgua Osa.

Nehimaia 13:23

Ẹghẹ nii, I kevbe do miẹn wẹ ikpia ni bun vbe uwu avbe Ju viọ ikhuo vbe ivbi Asdọd, Amọn kevbe Moab.

Nehimaia 2:10

Sokpan, e Sanbọlat ne ovbi ẹvbo ne a tie ẹre Bẹt Horọn kevbe Tobaia ne ọ vbe rre asẹ vbe otọ Amọn ghi họn wẹ orhiọnkpa rre ne ọ do ru emwi ne ọ gha ma ivbi Izrẹl egbe, ohu dan kegha mu iran.

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 4:3

E Tobaia ne ọ mudia ke ẹe vbe evba keghi nọ wẹẹ, “Vbọkhun ekẹn ne ena ra sẹtin gbe yi, uhin ighẹ te umuọkhọkhọ sẹtin rrua ẹre gbotọ.”

Nehimaia 8:2

Ẹre Ẹzra ghi na mu nene ebe gha die ehe ne iran hia si egbe koko yi ikpia, ikhuo kevbe ibiẹka ni gha wan sẹ nẹ ne ọ gha na rẹn emwi ne a guan yan.

Nehimaia 9:3

Vbe omwa ẹgogo eha, a keghi gha tie Uhi e Nọyaẹnmwa ne Osanobua iran ma iran, vbe ẹgogo eha ne ọ lele ẹe, iran kegha miẹn orukhọ iran kue, iran na gha ga e Nọyaẹnmwa ne Osanobua iran.

Aizaia 34:16

Gualọ uwu ebe ọghe emwi ne a yi ni rrọọ ọghe Nọyaẹnmwa ne uwa ghe vbene ọ kha hẹ. Ọkpa ne ai ra miẹn vbe uwu avbe emwi ne a yi na i rrọọ, ọkpa ne ẹi ra vbe gha mwẹ ogieva, ẹ i rrọọ. E Nọyaẹnmwa tae nẹ ne ọ gha ye vberriọ, rẹn ọ re ọ ra tobọ ẹre si iran koko.

Jerimaia 48:1

Ẹmwẹ ne Nọyaẹnmwa ne Oghodua tae vbekpa Moab ọ re ọna khin: “Wa tohan ivbi e Nebo, a dunmwu ẹvbo iran an nẹ! A khọn mu e kirriatam, a guọghọ odin nọkhua ne ọ lẹga ẹre sotọ, a keghi vbe fa emwa ni rrọ ua.

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Nọmbas 22:5

na gie emwa ni iran ya tie Balam ne ovbi Beọ, ne ọ rre Petọ vbe ọkpẹn Ẹzẹ Yufretes vbe otọ Amọn rre. Iran keghi tama rẹn wẹẹ: “I ho ni guẹ rẹn wẹẹ agbọn ẹvbo hoho wa ke Igipt gha die emwa na, iran vẹ la ehe hia iran ra gbe ima miẹn ima otọ mwa.

Iyẹn ne ọ Maan Ọghe Luk 10:26

Jesu wanniẹn wẹẹ, “Vbe Ebe a ta ẹe hẹẹ? Vbe uwẹ a zẹ edu ẹre hẹẹ?”

Iwinna 13:15

Ugbẹn vbe iran ghi tie ebe Uhi Mosis kevbe emwi ne akhasẹ gbẹnnẹ ye otọ nẹ, iran ne avbe olotu Ọgua ediọn keghi gie ne a khama iran wẹẹ, “Etẹn, deghẹ wa mwẹ ẹmwẹ ibude ne uwa gha rhie ne emwa, wa do gu iran guan.”

Iwinna 15:21

Rhunmwuda ọkpẹre ne a kegha tie Uhi e Mosis vbe Ọgua ediọn vbe Ẹdẹ Ikẹtin hia, a vbe kpe orhu ẹmwẹ ọnrẹn vbe ẹvbo hia.”