Eso vbe ẹgbẹe avbe Livai ọre ọ yan emwi ihuan ne a kpee vbe Ọgua Osa. Avbe ọkaẹgbẹe avbe ẹgbẹe na eso vbe avbe ughugha ni rre Ọgua Osa ọre iran gha ye, iran i vbe mwẹ obọ vbe avbe iwinna ọvbehe, rhunmwuda, ke asọn ke avan ọ re a ya tie iran ye iwinna.
Ẹwae avbe Livai ni ke iwe rre: E Jesua kevbe Kadmiẹl (ivbi uniẹn e Hedovaia) enẹ yan ekigbesiyenẹ (74) Ikpezikẹn Ọgua Osa (ivbi uniẹn Asaf) — erẹnrẹn yan iyehan (128) Iran ni khẹ Ọgua Osa (ivbi uniẹn e Sialọm, Ata, Talmọn, Akub, e Hatita kevbe Siohai) — ọkpa irrọ vbe ikiọkhọe (139)
Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.
E Matanaia ne ovbi e Mika, ne ọ vbe re eyẹ e Zabdi ne ovbi uniẹn Asaf. Rẹn ọ re ọ viọ avbe ọsian Ọgua Osa mwẹ obọ ya so ihuan urhomwẹ. E Bakbukaia ne ọ gha yi e Matanaia obọ. Abda ne ovbi e Siamua, ne ọ vbe re eyẹ e Galal ne ovbi uniẹn e Jedutun.
Ọmwa ne ọ gbearoghe avbe Livai vbe iwinna, ne ọ gha rre Jerusalẹm vbọ kegha re Uzai ne ovbi e Bani, ne ọ vbe re eyẹ e Hasiabaia. Usun avbe erha ẹe odede ọ re iran ye ighẹ Matanaia kevbe Mika, ọ kevbe gha re ovbi ẹwae Asaf, ẹwae ne a mu ẹmwẹ emaba vbe ẹzi kẹn ne a kpe vbe ugamwẹ Ọgua Osa ye ọre obọ.
Avbe Hasiabaia, e Siẹrebia, e Jesua, e Binnui kevbe Kadmiẹl keghi mu olotu ya ghae avbe Livai ye ọka. Ọka eva vbọ ghi gba gha so ihuan ne a rra ya rho Osanobua, iran ghi vbe gha kpọnmwẹ ọẹn, zẹ vbene ọ mwamwa ẹn ye otọ ighẹ Devid ne ọba, ne ọmwa Osanobua.
Ẹwae avbe Livai ni ke iwe rre: E Jesua kevbe kadmiẹl (ivbi uniẹn e Hodavaia) ehan irrọvbiyenẹ (74) Ikpemaba Ọgua Osa (ivbi uniẹn Asaf) — erẹnrẹn yan ikiọkhọe (148) Iran ni khẹ Ọgua Osa (ivbi uniẹn e Sialọm, Atẹ, Talmọn, Akub, e Hatita kevbe Siohai) — evairrọvbe ikiọkhọe (138)
Ekpatako ne a gbae yo ghe odukhunmwu kegha rrọ ne avbe Livai, avbe emwa na: E Jesua, e Bani, e Kadmiẹl, Siebanaia, Bunni, Siẹrebia, e Bani, kevbe Kienani, keghi mudia yan rẹn. Iran keghi tọn urhu mu ya na erhunmwu ghe e Nọyaẹnmwa ne Osanobua iran.