Nehimaia 12:47 - Edo Bible (E Baibol Ẹdo) Version 1996

⁴⁷ Vbe ẹghẹ e Zerubabẹl kevbe ẹghẹ Nehimaia, te ivbi Izrẹl hia gha zọhẹ ẹdẹgbegbe ne a miẹn ya gha gaga avbe ọsian kevbe abodẹ Ọgua Osa. Avbe emwa ni ghi gha zẹ ọhẹ iruemwi gie avbe Livai, avbe Livai ghi vbe viọ inu ne a mwamwa ẹn yi gie avbe ohẹn.

Nehimaia 12:47 ပူးပေါင်းရင်းမြစ်များ

II Ọba 25:30

Vbe ikpẹdẹ ne ọ ghi ya vbe agbọn hia, ẹdẹgbegbe, ọre a ghi ya gha rhie igho ne ọ gha sẹ e lo vbe ẹdẹ nẹdẹrriọ ne ẹẹn.

II Ọba 7:10

Rhunmwuda ọnii, iran na kpao hin agọ ivbi e Siria rre, iran na gha die Sameria, iran keghi datie avbe abodẹ ni rre onurho wẹẹ: “Ma ye agọ ivbi e Siria, ma ma miẹn ọmwa rhọkpa, a ma vbe họn ẹmwẹ ọmwa rhọkpa. A de avbe ẹsin ke ekẹtẹkẹtẹ ni rrọọ. Te avbe owa ukpọn he wa ye ye vbene ivbi e Siria ya sẹ ọe rae.”

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Nehimaia 11:23

Emwamwa ọghe ọba kegha rrọ vbene a gha ya gha ghae avbe ẹwae ni ye ẹdẹ ne ihuan ne a so sẹ iran egbe vbe ẹdẹ vbe ẹdẹ.

Nehimaia 12:1

Eni avbe ohẹn kevbe avbe Livai ni lele Zerubabẹl ne ovbi e Sieatiẹl kevbe Jọsua ne Ogie Ohẹn ke iwe rre ọre ena khin.

Nehimaia 12:12

Ẹghẹ ne Joiakim na gha re Ogie Ohẹn, avbe Ohẹn na ọ re ọ gha re ekaẹgbẹe uniẹn avbe ohẹn: Ohẹn Uniẹn e Meraia e Seraia e Hananaia e Jerimaia e Mẹsiulam Ẹzra e Jehohanan Amaraia e Jonatan e Maluki e Josẹf e Siebanaia Adna e Harim e Helkaia e Meraiọt e Zẹkaraia Ido e Mẹsiulam e Gineton e Zikri Abija … e Miniami e Piltai e Moadaia e Siamua e Bilga e Jehonatan e Siemaia e Matenai e Joiarib Uzi e Jedaia e Kalai e Salai Ebe Amok e Hasiabaia e Hilkaia e Netanẹl e Jedaia

Nehimaia 12:26

Ẹghẹ ne iran na na gha rrọọ kegha re ẹghẹ ọghe Joiakim ne ovbi e Jọsua kevbe eyẹ ọghe Jehozadak, kevbe ẹghẹ ọghe Nehimaia ne ne ọ khaemwisẹ, kevbe ẹghẹ ọghe Ẹzra ne ohẹn ne ọ vbe gha re ọmwa ne ọ rẹn Uhi dinmwi.

Galatia 6:6

Ọmwa ne a ẹre emwi ẹmwẹ iyayi Kristi, ọ kere ne ọ gha ghae vbe emwi ne ọ mwẹ ne ọmwa ne ọ ma ẹre emwi.

Diuteronomi 18:8

A ghi vbe ghae evbare ne ẹẹn zẹ vbe ọghe avbe nekpa, ọ sẹtin viọ emwi ne avbe etiọnrẹn a rhirhi viọ gie ẹe.