Nehimaia 12:46 - Edo Bible (E Baibol Ẹdo) Version 1996

⁴⁶ Ke ẹghẹ e Devid ne ọba kevbe Asaf ne ọkpezikẹn gha dee, avbe ọsian ọ re ọ ghi karo vbe ihuan urhomwẹ ne a so ghe Osanobua.

Nehimaia 12:46 ပူးပေါင်းရင်းမြစ်များ

I Krọnikol 9:33

Eso vbe ẹgbẹe avbe Livai ọre ọ yan emwi ihuan ne a kpee vbe Ọgua Osa. Avbe ọkaẹgbẹe avbe ẹgbẹe na eso vbe avbe ughugha ni rre Ọgua Osa ọre iran gha ye, iran i vbe mwẹ obọ vbe avbe iwinna ọvbehe, rhunmwuda, ke asọn ke avan ọ re a ya tie iran ye iwinna.

II Krọnikol 29:30

Ọba kevbe avbe iran ne ọkaolotu ẹvbo nii keghi tama avbe Livai ne iran so ihuan urhomwẹ ne Devid kevbe Asaf ne akhasẹ gbẹnnẹ, ghe Nọyaẹnmwa. Emwa hia keghi ye ẹko rhiẹnrhiẹn mwẹ gha so ihuan ghe Nọyaẹnmwa vbe ehe ne iran na diguẹ nii, iran na ga Osanobua.

Nehimaia 11:17

E Matanaia ne ovbi e Mika, ne ọ vbe re eyẹ e Zabdi ne ovbi uniẹn Asaf. Rẹn ọ re ọ viọ avbe ọsian Ọgua Osa mwẹ obọ ya so ihuan urhomwẹ. E Bakbukaia ne ọ gha yi e Matanaia obọ. Abda ne ovbi e Siamua, ne ọ vbe re eyẹ e Galal ne ovbi uniẹn e Jedutun.

Psalm 137:4

Vbe ima ghi ra gu gha so ihuan ne Nọyaẹnmwa, vbe ẹvbo ẹrrẹe?

Psalm 73:1

Osanobua wa ya obọ esi mu Izrẹl avbe iran ne ekhọe esi ni rrọọ.

Psalm 83:1

Osanobua, ghẹ hunwan, ghẹ mudia ye ihọkpa, ghẹ ghe ẹmwẹ.