Nehimaia 12:45 - Edo Bible (E Baibol Ẹdo) Version 1996

⁴⁵ Rhunmwuda ne iran na ru ulamwẹ ihọnmwegbe kevbe avbe itaemwi ọvbehe hia zẹ vbene Osanobua khare. Avbe ikpemaba Ọgua Osa kevbe abodẹ Ọgua Osa keghi vbe winna iwinna iran zẹ vbene Devid kevbe Solomọn ne ovbi ẹre mwamwa ẹẹn.

Nehimaia 12:45 ပူးပေါင်းရင်းမြစ်များ

II Ọba 7:10

Rhunmwuda ọnii, iran na kpao hin agọ ivbi e Siria rre, iran na gha die Sameria, iran keghi datie avbe abodẹ ni rre onurho wẹẹ: “Ma ye agọ ivbi e Siria, ma ma miẹn ọmwa rhọkpa, a ma vbe họn ẹmwẹ ọmwa rhọkpa. A de avbe ẹsin ke ekẹtẹkẹtẹ ni rrọọ. Te avbe owa ukpọn he wa ye ye vbene ivbi e Siria ya sẹ ọe rae.”

I Krọnikol 23:28

A ghi vbe ghae iran lele isi iwinna na hia; ne iran gha yi avbe ohẹn ni re ivbi uniẹn Errọn obọ vbe ugamwẹ Ọgua Osa, ne iran gha kpolo ore ni lẹga ẹre kevbe avbe ughugha ni rrọọ, ne iran vbe miẹn wẹ a ma mu awua ye avbe emwi ni huanrẹn rhọkpa.

I Krọnikol 26:26

E Sielomit kevbe ivbi ẹre ọ re ọ gha sin iran ẹro ighẹ avbe emwi ne Devid ne ọba ya mu ohan gie Osanobua kevbe dọmwadẹ ọba ẹgbẹe, avbe ekaolotu avbe ẹwae kevbe avbe ivbiyokuo.

II Krọnikol 23:6

A i vbe gie ọmwa rhọkpa la uwu Ọgua Osa, gberra avbe ohẹn kevbe Livai ne iwinna sẹ ọ re egbe ẹdẹrriọ. Iran sẹtin la owa, rhunmwuda, te a ya iran fi ohan, sokpan, avbe emwa nekpa ghi ru vbe ne Nọyaẹnmwa yi uhi ẹre, iran ghi gha rre orere.