Nehimaia 12:39 - Edo Bible (E Baibol Ẹdo) Version 1996

³⁹ Ma keghi ke evba ya la Urho Ifreim gberra, Urho e Jesiana, Urho Ehẹn, Owa Ọkhẹ Ne gelete ọghe Hananẹl, kevbe Owa Ọkhẹ Ne gelete ọghe iran ne Iyisẹn ya sẹ Urho Ohuan. Ma keghi do mu ẹẹn ye otọ vbe ọkpẹn Urho Ọgua Osa.

Nehimaia 12:39 ပူးပေါင်းရင်းမြစ်များ

II Ọba 14:13

E Jehoas keghi mu Amazaia oghunmwu, ọ na gha rrie Jerusalẹm, ọ na guọghọ ekẹn ọlẹga ẹvbo nii kevbe Onurho Ifreim ya sẹ Onurho Igọgọ, ehe ne ọ wa sẹ omwa ibata uri vbe utanmwẹ.

Nehimaia 12:40

Erriọ ọ re otu eva na ni rhie ekpọnmwẹ ne Osanobua na do sẹ ehe ne Ọgua Osa ye. Vbe ọ ghi vbe lahin avbe ọkaolotu ni deba mwẹ rre,

Nehimaia 3:1

Vbene a ya dọlọ ekẹn ne ọ lẹga ẹvbo nii bọ hẹ ọ re ọna khin, Eliasib ne Ogie Ohẹn kevbe ohẹn ne ihua ẹre keghi dọlọ Onurho Ohuan bọ, iran keghi ya ẹe fi ohan iran vbe yi ẹkhu yọ. Iran na ya ekẹn ọnrẹn fi ohan ya sẹ Owa ọkhẹ iran ne iyisẹn kevbe Owa ọkhẹ ọghe Hananẹl.

Nehimaia 3:25

E Palal ne ovbi Uzai keghi bọ ako ne ọ lele ẹe kevbe igọgọ ekẹn kpao deba owa ọkhẹ ne ọ yo ọghe ẹguae ne ọ ke uwu ẹre vbe ọkpẹn ore iran ni khẹ odẹ. E Pedaia ne ovbi e Parọs ọ re ọ bọ ako ne ọ lele ẹe ya sẹ ihọkpa vbe odẹ ahọ vbe ọkpẹn Onurho Amẹ kevbe owa ọkhẹ ne ọ yo, ne ọ khẹ Ọgua Osa (ọna keghi sikẹ obọ ne a tie ẹre Ofẹl vbe ẹvbo ni, ehe ne iran nii winna vbe Ọgua Osa dia).

Nehimaia 3:3

Ẹwae Hasenaa keghi bọ Onurho Ehẹn, Iran keghi mu egbaha kevbe ẹkhu ye ihẹ iran, iran keghi vbe mu asigbe kevbe ogba yọ ne a ya gha khui ẹre.

Nehimaia 3:6

E Jehoiada ne ovbi e Pesea kevbe Mẹsiulam ne ovbi e Besodia keghi dọlọ Onurho Jesiana yi. Iran keghi mu egbaha yọ kevbe ẹkhu ye ihẹ ẹre, iran keghi mu asigbe kevbe egba ne a ya khui onurho nii yọ.

Nehimaia 8:16

Rhunmwuda ọnii, avbe emwa ni keghi gele ya giagia ebe, iran na do gbe irhu yan owa iran kevbe ore iran, kevbe ore Ọgua Osa kevbe ughe ẹvbo vbe ọkpẹn Urho Amẹ kevbe Urho Ifreim.

Jerimaia 31:38

E Nọyaẹnmwa khare wẹẹ, “Ẹghẹ dee ne a gha na dọlọ e Jerusalẹm hia bọ zẹ vbe ẹvbo mwẹ, kevbe Owa ọkhẹ e Hananẹl vbe odẹ orrie kpao ya sẹ Onurho Igọgọ.

Jerimaia 32:2

Vbe ẹghẹ ne a kha na, ivbiyokuo ọba e Babilọn keghi gha khọn okuo vbe Jerusalẹm, a keghi mu imẹ khui ye ihọkpa vbe ẹghodo ẹguae ọba.

Zẹfanaia 1:10

“Ọ gha sẹ ẹdẹ ne ẹdẹrriọ,” erriọ Nọyaẹnmwa khare, “U gha họn urhu eve vbe Onurho Ehẹn vbe Jerusalẹm. U gha họn ugomwẹ vbe idunmwu ọgbọn ọghe ẹvbo nii, kevbe owogho emwi ne ọ de guọghọ ua vbe avbe uhunmwu oke.

Iyẹn ne ọ Maan Ọghe Jọn 5:2

Vbe ihe ọkpa ne a tie ẹre Onurho Ohuan vbe Jerusalẹm odighi ọkpa ne ọ mwẹ ikpogho isẹn kegha rrọọ, emwi ne iran tie ẹre vbe Hibru keghi re Betzata.